പ്രാവിന്‍റെ ശല്യമെന്ന് പരാതിപ്പെട്ട യുവാവിന് പ്രാവ് തന്നെ പണി കൊടുത്തു. പ്രാവിന്‍റെ ശല്യംകൊണ്ട് പൊറുതി മുട്ടിയെന്ന് പരാതിപ്പെടുകയായിരുന്നു ജനപ്രതിനിധി.അദ്ദേഹത്തിന്റെ തലയില്‍ പ്രാവ് കാഷ്ഠിക്കുകയായിരുന്നു. പ്രാവുകളുടെ ശല്യത്തെക്കുറിച്ചുള്ള ടെലിവിഷന്‍ പരിപാടിക്കിടെയാണ് ഈ സംഭവം നടന്നത് എന്നത് കൗതുകകരം. അമേരിക്കന്‍ ജനപ്രതിനിധിയുടെ തലയിലാണ് പ്രാവ് കാഷ്ഠമിട്ടത്. ഡെമോക്രാറ്റ് ജനപ്രതിനിധിയായ ജയ്മി ആന്‍ഡ്രേഡിനാണ് ലൈവ് പരിപാടിക്കിടെ ഈ അനുഭവം ഉണ്ടായത്. അമേരിക്കയിലെ ഇര്‍വ്വിന്‍ പാര്‍ക്ക് ബ്ലൂ ലൈന്‍ സ്റ്റേഷന്‍ വൃത്തിയാക്കണമെന്ന ആവശ്യവുമായി നിരവധി പ്രക്ഷോഭങ്ങള്‍ നടത്തിയ വ്യക്തി കൂടിയാണ് ജെയ്മി. പ്രാവുകളുടെ ശല്യം കൂടുതലുള്ള സ്ഥലമാണ് ഇര്‍വ്വിന്‍ പാര്‍ക്ക് ബ്ലൂ ലൈന്‍ സ്റ്റേഷന്‍.

പ്രാവിന്‍ കാഷ്ഠവും തൂവലുകളും കൊണ്ട് ഇവിടം നിറഞ്ഞിരിക്കുന്നതായി അനേകംപെർ പരാതിപ്പെടുകയാണ്. തന്‍റെ പരാതിയുടെ സത്യാവസ്ഥ എല്ലാവരേയും അറിയിക്കാൻ കഴിഞ്ഞതിന്റെ നിർവൃതിയിലാണ് അദ്ദേഹം. തന്റെ പരാതി വ്യക്തമാക്കുന്നതാണ് ലൈവ് പരിപാടിക്കിടെയുണ്ടായ സംഭവമെന്ന് പറയാനുള്ളത് ജെയ്മി പറയുന്നു.