മോദി പേടിയില്‍ ഭീകരര്‍; രാജ്യത്ത് ഭീകരവാദ ഗ്രൂപ്പുകളിലേയ്ക്കുള്ള ഒഴുക്ക് കുറഞ്ഞതായി റിപ്പോര്‍ട്ട്; ഭീകരവാദികളുടേത് ഭീഷണിയില്‍ മാത്രം ഒതുങ്ങുന്നു, രാജ്യത്ത് പ്രവേശിക്കാന്‍ ഭയം
ഇന്ത്യയില്‍ ഭീകരവാദ ഗ്രൂപ്പുകളിലേയ്ക്കുള്ള ഒഴുക്ക് രാജ്യത്ത് കുറഞ്ഞതായി റിപ്പോര്‍ട്ട്. ജമ്മു കശ്മീര്‍ ഡിജിപി ദില്‍ബാഗ് സിംഗാണ് ഇക്കാര്യം വ്യക്തമാക്കിയിരിക്കുന്നത്. കഴിഞ്ഞ 45 ദിവസത്തിനിടെ രണ്ട് പേര് മാത്രമാണ് ഭീകരസംഘടനകളില്‍ ചേര്‍ന്നത്. ഇത് രാജ്യത്ത് ഭീകരവാദം കുറയുന്നതിന്റെയും ഭീകരവാദികള്‍ എത്താത്തതിന്റെയും സൂചനയാണെന്നാണ് വിലയിരുത്തല്‍. എന്നാല്‍ ഭീഷണികള്‍ ലഭിക്കുന്നുണ്ട് എങ്കിലും കര്‍ശന സുരക്ഷയും സര്‍ക്കാരിന്റെ നിലപാടുകളും ഭീകരരെ ഇതില്‍നിന്നും പിന്തിരിപ്പിക്കുന്നതായും റിപ്പോര്‍ട്ടുണ്ട്. കരസേനയും ,അതിര്‍ത്തി രക്ഷാ സേനയും ഉള്‍പ്പെടെയുള്ള ഒന്നിലധികം ഏജന്‍സികള്‍ ചേര്‍ന്ന് നടത്തിയ വിലയിരുത്തലിനു ശേഷമാണ് കശ്മീരിലേയ്ക്ക് ഭീകരവാദത്തിനായി കടന്നവരുടെ എണ്ണം കണക്കാക്കിയത്.
ശ്രീനഗറിലും ,കശ്മീര്‍ താഴ് വരയിലും ഭീകരവാദികള്‍ ഓരോ നീക്കങ്ങളും നടത്തുന്നത് ഏറെ ശ്രദ്ധയോടെയാണ് സൈന്യം നിരീക്ഷിക്കുന്നത് . ശ്രീനഗറില്‍ ഭീകരവാദികള്‍ വെടിയുതിര്‍ത്ത സംഭവം പ്രദേശവാസികളെ ആശങ്കയിലാക്കിയിട്ടുണ്ട്. എന്നാല്‍ കശ്മീര്‍ താഴ്വരയിലും നിയന്ത്രണ രേഖയ്ക്കടുത്തുള്ള പ്രദേശങ്ങളിലും മൊബൈല്‍ ഫോണിലൂടെ ആശയവിനിമയം നടത്താന്‍ ഭീകരവാദികള്‍ ഭയപ്പെടുന്നുവെന്നത് സൈന്യത്തിന്റെ നേട്ടമാണെന്നും അദ്ദേഹം ചൂണ്ടിക്കാട്ടി. കശ്മീരിലെ സര്‍ക്കാര്‍ നടപടിക്ക് ശേഷം ജയ്‌ഷെ മുഹമ്മദ് ഭീകരസംഘടനയുമായി ബന്ധമുള്ള രണ്ടു പേര് മാത്രമാണ് കഴിഞ്ഞ ദിവസം പിടിയിലായത് പിടിയില്‍ .സുഹില്‍ അഹമ്മദ് ലാട്ടു, ബഷീര്‍ അഹമ്മദ് ലോണ്‍ എന്നിവരാണ് പിടിയിലായത്. പുല്‍വാമ ജില്ലയില്‍ നിന്നാണ് ഇവരെ കശ്മീര്‍ പോലീസ് അറസ്റ്റ് ചെയ്തത്. ട്രക്കില്‍ യന്ത്രതോക്കുകള്‍ കശ്മീരിലേയ്ക്ക് കടത്താന്‍ ശ്രമിക്കവേ, കഴിഞ്ഞ വ്യാഴാഴ്ച പിടിയിലായ മൂന്ന് ഭീകരവാദികള്‍ നല്‍കിയ വിവരത്തിന്റെ അടിസ്ഥാനത്തില്‍ പോലീസ് നടത്തിയ അന്വേഷണത്തിലാണ് ഇവര്‍ പിടിയിലായത്. അറസ്റ്റിലായ അഹമ്മദ് ലാട്ടുവാണ് ട്രക്കിന്റെ ഉടമസ്ഥന്‍ എന്ന് പോലീസ് പറഞ്ഞു.
https://www.facebook.com/Malayalivartha
