ഒരു ഭാഷയും അടിച്ചേൽപിക്കാൻ ആരും ശ്രമിക്കുന്നില്ലെന്ന് ഉപരാഷ്ട്രപതി എം.വെങ്കയ്യ നായിഡു. ഒരു ഭാഷയും ആർക്കുമേലും അടിച്ചേൽപ്പിക്കില്ലെന്നും ഒരു പ്രത്യേക ഭാഷയോടും വിരോധമില്ലെന്നും ഉപരാഷ്ട്രപതി പറഞ്ഞു. . അതേ സമയം എല്ലാവരും കഴിയുന്നത്ര ഭാഷ പഠിക്കേണ്ടതുണ്ട് എന്നും അദ്ദേഹം പറയുന്നു

ഓരോരുത്തർക്കും അവരുടെ മാതൃഭാഷ ഏറ്റവും പ്രധാനമാണ്. കുട്ടികളുടെ വിദ്യാഭ്യാസം തീർച്ചയായും മാതൃഭാഷയിലായിരിക്കണം. എന്നാൽ മാതൃഭാഷ മാത്രം പോരാ ,കുട്ടികൾ അവർക്ക് ആവശ്യമുള്ളത്രയും ഭാഷകൾ പഠിക്കട്ടെ. മാതാവ്, മാതൃഭാഷ, മാതൃഭൂമി, ഗുരു എന്നിവ ഓരോരുത്തർക്കും പ്രധാനപ്പെട്ട കാര്യങ്ങളാണ്

മാതൃഭാഷയാണ് കണ്ണുകൾ. മറ്റു ഭാഷകൾ കണ്ണടകളായി വേണം പരിഗണിക്കാൻ എന്നാണു ഉപരാഷ്ട്രപതി പറഞ്ഞത് . വൈദ്യരത്നം പി.എസ്. വാര്യരുടെ 150ാം ജൻമവാർഷികാഘോഷങ്ങൾ കോട്ടയ്ക്കലിൽ ഉദ്ഘാടനം ചെയ്യുകയായിരുന്നു അദ്ദേഹം. ചടങ്ങിൽ ഉപരാഷ്ട്രപതി പ്രസംഗിച്ചതും വിവിധ ഭാഷകളിലായിരുന്നു .. മലയാളത്തിലാണ് പ്രസംഗിച്ചു തുടങ്ങിയത്. പിന്നീട് ഇംഗ്ലിഷും ഹിന്ദിയും ഇടകലർത്തിയാണ് പ്രസംഗിച്ചത്