നരേന്ദ്ര മോഡിയുടെ സഹോദരപുത്രിയെ മോഷ്ടാക്കള് കൊള്ളയടിച്ചു; 56,000 രൂപ അടങ്ങുന്ന പഴ്സും രണ്ട് മൊബൈല് ഫോണുമാണ് കൊള്ളയടിച്ചത്; ബൈക്കിലെത്തിയ രണ്ട് അക്രമികള് ദമയന്തിയുടെ പഴ്സ് തട്ടിയെടുത്ത് കടന്നുകളഞ്ഞു; അന്വേഷണം ശക്തമാക്കി
പ്രധാനമന്ത്രി നരേന്ദ്ര മോഡിയുടെ അനന്തരവളുടെ പണവും ഫോണുകളും മോഷ്ടാക്കള് കവര്ന്നു. മോഡിയുടെ സഹോദരന്റെ മകളായ ദമയന്തി ബെന് മോഡിയ്ക്കാണ് പണവും പഴ്സും നഷ്ടമായത്. 56,000 രൂപ അടങ്ങുന്ന പഴ്സും രണ്ട് മൊബൈല് ഫോണുമാണ് നഷ്ടമായത്.
പഞ്ചാബിലെ അമൃത്സറില് നിന്നും ഇന്ന് രാവിലെ ഡല്ഹിയിലെത്തിയ ദമയന്തി അവിടെയുള്ള ഗുജറാത്തി സമാജ് ഭവനില് മുറി ബുക്ക് ചെയ്തിരുന്നു. സിവില് ലൈന്സിലെ ഗുജറാത്തി സമാജ് ഭവനിന്റെ കവാടത്തിന് പുറത്ത് ബൈക്കിലെത്തിയ രണ്ട് അക്രമികള് ദമയന്തിയുടെ പഴ്സ് തട്ടിയെടുത്ത് കടന്നുകളയുകയായിരുന്നു. ഇതേ തുടര്ന്ന് ദമയന്തി ബെന് മോഡി, ന്യൂഡല്ഹിയിലെ സിവില് ലൈന്സ് ഏരിയയിലെ പോലീസ് സ്റ്റേഷനില് പരാതി നല്കി.
കവര്ച്ചക്കാര് തട്ടിയെടുത്ത തന്റെ പഴ്സില് വിലപ്പെട്ട ഏതാനും രേഖകള് ഉണ്ടായിരുന്നുവെന്നാണ് ദമയന്തി ഡല്ഹി പോലീസിനോട് പറഞ്ഞത്. ഡല്ഹി മുഖ്യമന്ത്രീ അരവിന്ദ് കെജരിവാളിന്റെയും ഡല്ഹി ഗവര്ണറുടെയും വസതികള്ക്ക് അടുത്തായാണ് ഗുജറാത്തി സമാജ് ഭവന് സ്ഥിതി ചെയ്യുന്നത്. ദമയന്തിയില് നിന്നും പരാതി സ്വീകരിച്ചതായും വിഷയത്തില് തങ്ങള് അന്വേഷണം ആരംഭിച്ചതായും പോലീസ് പറഞ്ഞു.
റെയില്വേ സ്റ്റേഷനില് നിന്നും സിവില് ലൈന് വരെ സ്ഥാപിച്ചിട്ടുള്ള സിസിടിവി ക്യാമറകളില് നിന്നുമുള്ള ദൃശ്യങ്ങള് തങ്ങള് പരിശോധിച്ച് വരികയാണെന്നും അധികം താമസിയാതെ തന്നെ പ്രതികളെ പിടികൂടാന് സാധിക്കുമെന്നാണ് കരുതുന്നതെന്നും ഡല്ഹി പൊലീസ് പറയുന്നു.
https://www.facebook.com/Malayalivartha
