വിവാദ ആൾദൈവങ്ങളുടെ പട്ടികയിലേക്കു ഏറ്റവും ഒടിവിലായി ഇടം പിടിച്ച കൽക്കി ഭഗവാൻ’. വാർത്തകളിൽ ഏവരെയും ഞെട്ടിച്ചു കൊണ്ട് കൽക്കി ഭഗവാന്റെ ആശ്രമത്തിൽ കഴിഞ്ഞ ദിവസം ആദായ നികുതി വകുപ്പ് നടത്തിയ റെയ്ഡിൽ കണക്കിൽപ്പെടാത്ത കോടിക്കണക്കിന് സ്വത്ത് വകകളാണ് കണ്ടെത്തിയത്.  പണമായി 45 കോടി രൂപയും 88 കിലോ സ്വർണവും 1271 കാരറ്റ് ഡയമണ്ടും 600 കോടിയോളം രൂപ പണം വാങ്ങിയതിന്റെ രസീതും ഉൾപ്പെടെ മൂന്ന് ദിവസമായി നടന്ന റെയ്ഡിൽ കണക്കിൽപ്പെടാത്ത കോടികളുടെ ആസ്തിയാണ് കണ്ടെത്തിയത്.

ആരാണ് ഈ ഭഗവാൻ ,1949 മാർച്ചിൽ തമിഴ്‌നാട് വെല്ലൂർ ജില്ലയിലെ നാഥം ഗ്രാമത്തിൽ വരദരാജുലുവിന്റെയും വൈദർഭി അമ്മയുടെയും മകനായി ഇദ്ദേഹത്തിന്റെ ജനനം. വിജയ് കുമാർ എന്നാണു യഥാർഥ പേര്. ഇന്ത്യൻ റെയിൽവേയുടെ അക്കൗണ്ട്സ് വിഭാഗത്തിലെ തലവനായിരുന്നു പിതാവ്. വീട്ടമ്മയായിരുന്നു വൈദർഭി. വിജയ് കുമാറിന് ആറു വയസ്സുള്ളപ്പോൾ കുടുംബം ചെന്നൈയിലേക്കു താമസം മാറ്റി. ചെന്നൈ ഡോൺ ബോസ്കോ സ്കൂൾ, ഡിജി വൈഷ്ണവ് കോളജ് (ഗണിതശാസ്ത്രത്തിൽ‌ ബിരുദം) എന്നിവിടങ്ങളിൽ വിദ്യാഭ്യാസം. 1987 വരെ ഒരു പൊതുമേഖലാ ഇന്‍ഷുറൻസ് സ്ഥാപനത്തിൽ ക്ലർക്ക്, ചെന്നൈയിൽ അരി വ്യാപാരി തുടങ്ങിയ ജോലികളിലേർപ്പെട്ടു.

വിജയ് കുമാർ പിന്നീട് ചുവട് ആത്മീയത്തിലേയ്ക്ക് വഴിമാറ്റി 1988ൽ ആണ് ആത്മീയതയുടെ ലോകത്തേക്കു ഇദ്ദേഹം കൂടുതൽ അടുക്കുന്നത് .ഇദ്ദേഹത്തെ കുറിച്ചു പഠിക്കാൻ ശ്രമിച്ച ഫ്ലോറിഡ യൂണിവേഴ്സിറ്റിയിലെ ഡോ. വസുധ നാരായണൻ. ‘ഗുരുജി’ എന്നറിയപ്പെടുന്ന പരമാചാര്യ ശങ്കര ഭഗവദ്പാദരുടെ അടുത്തെത്തുന്നത് ഇക്കാലത്താണ്. ആണവ എൻജിനീയറിങ്ങിൽ ജർമനിയിൽനിന്നു പിഎച്ച്ഡി എടുത്തയാളാണു ഗുരുജി. കാലക്രമേണ വിജയ് കുമാർ ഗുരു ആവുകയും, ഗുരുജി അദ്ദേഹത്തിന്റെ കടുത്ത ശിഷ്യനായി മാറുകയും ചെയ്തു! പിന്നീട് ഒരു കുതിപ്പ് തന്നെയായിരുന്നു . അദ്ദേഹത്തോടൊപ്പം വളർന്ന സ്വത്തുക്കൾ ,സ്വാധീനം ചെലുത്തി അനധികൃത ഇടപാടുകൾ നടത്തുകയാണെന്ന ആരോപണങ്ങളും ഉയർന്നു . ഒടുവിൽ എത്തിനിൽക്കുന്ന പുതിയ ആരോപണങ്ങളും .