ഗുജറാത്തിലെ ഗിര് സോമനാഥ് ജില്ലയിലെ ബനേജ് പോളിംഗ് ബൂത്തിലെ ഏക വോട്ടറായിരുന്ന മഹന്ത് ഭാരതദാസ് ബാപ്പു അന്തരിച്ചു
ഗുജറാത്തിലെ ഗിര് സോമനാഥ് ജില്ലയിലെ ബനേജ് പോളിംഗ് ബൂത്തിലെ ഏക വോട്ടറായിരുന്ന മഹന്ത് ഭാരതദാസ് ബാപ്പു രാജ്കോട്ടിലെ സ്വകാര്യ അശുപത്രിയില് അന്തരിച്ചു. ഇന്ത്യയിലെ ഏറ്റവും പ്രശസ്തനായ വോട്ടര്നാരില് ഒരാളാണ് ബനേജ്. ഇന്നലെയാണ് അന്ത്യം സംഭവിച്ചത്.
ഗിര് വനത്തിലെ ബാനേജ് ക്ഷേത്രത്തിലെ പൂജാരിയും അന്തേവാസിയുമാണ് ഭാരത് ദാസ്. ഇരുപതാം വയസില് പഠനം ഉപേക്ഷിച്ച് ഇവിടെയെത്തിയ ദാസ് 40 വര്ഷമായി ക്ഷേത്രത്തിലും പരിസരത്തുമായിട്ടായിരുന്നു താമസം. വൃക്ക രോഗത്തിന് ഒരു മാസത്തിലേറെയായി ചികിത്സയിലായിരുന്നു
നിയമസഭാ, ലോക്സഭാ തെരഞ്ഞെടുപ്പ് കാലങ്ങളില് മഹന്ത് ഭാരത് ദാസിന്റെ ഒരു വോട്ട് രേഖപ്പെടുത്താനായി വേണ്ടി മാത്രം 35 കിലോമീറ്റര് തെരഞ്ഞെടുപ്പ് കമ്മീഷന് അധികൃതര്ക്കു യാത്ര ചെയ്യേണ്ടി വന്നിരുന്നു. ജുനഗഡ് ലോക്സഭാ മണ്ഡലത്തിന്റെ ഭാഗമായ ബനേജ് പോളിംഗ് ബൂത്ത്, തെരഞ്ഞെടുപ്പ് കാലത്ത് ഭാരത് ദാസിനു വേണ്ടി മാത്രമാണ് ഒരുക്കുന്നത്.
"
https://www.facebook.com/Malayalivartha