കന്നഡ ഭാഷ സംസാരിക്കാനോ എഴുതാനോ അറിയില്ല. എന്നാൽ കന്നഡ മീഡിയം സ്കൂളിൽ അധ്യാപകനായി നിയമനം. നസംഭവത്തിൽ പ്രതിഷേധവുമായി വിദ്യാർത്ഥികൾ രംഗത്ത്. കാസർകോട്ടെ മൂഡംബയൽ ഗവണ്‍മെന്റ് ഹൈസ്കൂൾ വിദ്യാർത്ഥികളും രക്ഷിതാക്കളുമാണ് നിയമനം ലഭിച്ച അധ്യാപകനെതിരെ പ്രതിഷേധം നടത്തിയത്. അധ്യാപകനെ സ്കൂളിൽ പ്രവേശിക്കാൻ അനുവദിച്ചിരുന്നില്ല.

കർണാടക അതിർത്തി പ്രദേശമായ മൂഡംബയൽ ഗവൺമെന്റ് ഹെസ്കൂളിൽ ഫിസിക്കൽ സയൻസ് അധ്യാപക തസ്തികയിലേക്ക് നടത്തിയ നിയമനത്തിലാണ് അദ്ദേഹം എത്തിയത്. കന്നഡ മീഡിയം സ്കൂളാണിത്. .ഇത്തരം സ്കൂളുകളിലെ അധ്യാപകർക്ക് കന്നഡയിൽ അറിവ് വേണം. വന്ന അധ്യാപകന് കന്നഡ വായിക്കാനോ സംസാരിക്കാനോ അറിയില്ല. അധ്യാപകൻ എങ്ങനെ പഠിപ്പിക്കുമെന്നാണ് നാട്ടുകാർ ആരായുന്നത്. കന്നഡ സ്കൂളുകളിലേക്ക് മാത്രമായുള്ള തസ്തികയാണിത്. നിയമനം നേടി കഴിഞ്ഞാൽ മറ്റു സ്കൂളുകളിലേക്ക് മാറുവാൻ സാധിക്കില്ല. കന്നഡ അറിഞ്ഞിരിക്കണമെന്ന് വ്യവസ്ഥയിരിക്കെ എങ്ങിനെയാണ് ഇത്തരം നിയമനങ്ങൾ നടക്കുന്നത് . നിയമനം റദ്ദാക്കുന്നതുവരെ പ്രതിഷേധം തുടരാനാണ് വിദ്യാർത്ഥികളുടെ തീരുമാനം.