ചന്ദ്രനിലേക്ക് കുതിച്ച ചന്ദ്രയാന്‍-2 ദൗത്യം പൂർണ്ണമായി വിജയിക്കാത്തതിനെ തുടർന്ന് ഇന്ത്യക്കാർ നേരിട്ട വിഷമം ചെറുതല്ല. വളരെ പ്രതീക്ഷയോടെ രാജ്യം ഉറ്റ് നോക്കിയ ആ ദൗത്യം പകുതി വഴിയിൽ അവസാനിച്ചപ്പോൾ ദുഃഖിച്ചവർ ഏറെയാണ്. എന്നാൽ തോൽക്കൻ തയാറല്ല എന്ന മനോഭാവത്തിലാണ് ഐ.എസ്​.ആര്‍.ഒ ചെയര്‍മാന്‍ കെ. ശിവനും സംഘവും. ചന്ദ്രനില്‍ സോഫ്​റ്റ്​ലാന്‍ഡിങ്​ നടത്താനുള്ള ശ്രമങ്ങള്‍ ഉപേക്ഷിച്ചിട്ടില്ലെന്ന്​ ഐ.എസ്​.ആര്‍.ഒ ചെയര്‍മാന്‍ കെ. ശിവന്‍ അറിയിച്ചു. അദ്ദേഹം പറഞ്ഞത് കേട്ട് ആവേശത്തിലാണ് രാജ്യ സ്നേഹികൾ. ചന്ദ്രയാന്‍-2 ദൗത്യം ഒന്നി​​ന്‍റയും അവസാനമല്ലെന്നും ശിവന്‍ വ്യക്​തമാക്കി.

ചന്ദ്രോപരിതലം എത്തുന്നതിന്​ തൊട്ട്​ മുമ്ബ്​ വരെ വിക്രംലാന്‍ഡര്‍ പ്രവര്‍ത്തന സജ്ജമായിരുന്നു. പ്രധാനപ്പെട്ട പല വിവരങ്ങളും ചന്ദ്രയാന്‍-2 ദൗത്യത്തില്‍ നിന്ന്​ ലഭിച്ചിട്ടുണ്ട്​. ദൗത്യം ഐ.എസ്​.ആര്‍.ഒക്ക്​ കൂടുതല്‍ പരിചയ സമ്ബത്ത്​ നല്‍കി. സമീപഭാവിയില്‍ ചന്ദ്രനില്‍ വീണ്ടും സോഫ്​റ്റ്​ ലാന്‍ഡിങ്​ നടത്താനുള്ള ശ്രമങ്ങള്‍ തുടങ്ങുമെന്നും അദ്ദേഹം വെളിപ്പെടുത്തി. അങ്ങനെ പരാജയത്തിൽ നിന്നും മറ്റൊരു ജയത്തിലേക്ക് ഒരു ഫീനിക്സ് പക്ഷിയെപ്പോലെ കുതിക്കാനുള്ള യത്നം തുടങ്ങാറായി .