കോണ്‍ഗ്രസ്​ അധ്യക്ഷ സോണിയ ഗാന്ധിയോട് ശിവസേനയെ പിന്തുണക്കണമെന്ന​ ആവശ്യ​വുമായി​ പാര്‍ട്ടി എം.പിയുടെ കത്ത്​. മഹാരാഷ്​ട്ര രാജ്യസഭാ എം.പിയായ ഹുസൈന്‍ ദാല്‍വായിയാണ്​ കത്തയച്ചത്. രാഷ്​ട്രപതി സ്ഥാനത്തേക്ക്​ പ്രതിഭാ പാട്ടിലിനെയും പ്രണബ്​ മുഖര്‍ജിയേയും ശിവസേന പിന്തുണച്ചിരുന്നു. ശിവസേനയും ബി.ജെ.പിയും വ്യത്യസ്​തമാണ്​. എല്ലാവരെയും ഉള്‍ക്കൊള്ളുക എന്ന ​ രാഷ്​ട്രീയ കാഴ്ച്ചപ്പാടാണ് ശിവസേനയുടേത്. ബി.ജെ.പിയെ പോലെ തീവ്രചിന്താഗതിക്കാരല്ല ശിവസേനയെന്നും കത്തില്‍ പറയുന്നു.

എന്നാൽ എ.ഐ.സി.സി ജനറല്‍ സെക്രട്ടറിമാരായ മല്ലികാര്‍ജുന്‍ ഖാര്‍കെ, സുശീല്‍കുമാര്‍ ഷിന്‍ഡെ, സഞ്​ജയ്​ നിരുപം എന്നിവര്‍ സേനക്ക്​ പിന്തുണ നല്‍കുന്ന കാര്യത്തിൽ എതിർപ്പ് പ്രകടിപ്പിക്കുന്നു​. ദാല്‍വായിയുടെ നിലപാടിനെ സ്വാഗതം ചെയ്യുകയാണെന്ന്​ ശിവസേന നേതാവ്​ സഞ്​ജയ്​ റൗട്ട്​ പറയുകയുണ്ടായി.