ഇൻഡോറിൽ താരമായി നിരത്തിലെ നൃത്തക്കാരി, ലക്ഷ്യം ഗതാഗത ബോധവൽകരണം !
നൃത്തച്ചുവടുകളിലൂടെ ഗതാഗത ബോധവൽകരണത്തിനു ശ്രമിക്കുന്ന മധ്യപ്രദേശിലെ ശുഭി ജെയ്നാണ് സമൂഹമാധ്യമങ്ങളിലെ താരം. ഈ ഇരുപത്തിമൂന്നുകാരിയുടെ വിഡിയോ വന്നതോടെ അഭിനന്ദനവുമായി അഡീഷനൽ ഡിജിപി അടക്കം രംഗത്ത് എത്തി കഴിഞ്ഞു .സാഗർ ജില്ലയിലെ ബിനയിൽ നിന്നുള്ള ശുഭി, ഇരുചക്ര വാഹന യാത്രികരോട് ഹെൽമറ്റ് ധരിക്കാനും കാർ യാത്രികരോട് സീറ്റ് ബെൽറ്റ് ധരിക്കാനും ആവശ്യപ്പെടുന്നത് നൃത്തച്ചുവടുകളിലൂടെയാണ് വ്യത്യാസ്തമായ നിലപാടാണ് ഈ കലാകാരിയുടെ കൈമുതൽ.
പുണെയിൽ എംബിഎ വിദ്യാർഥിനിയായ യുവതി 15 ദിവസത്തെ ഇന്റേൺഷിപ്പിനാണ് ഇൻഡോറിലെത്തിയത്. മൈക്കൽ ജാക്സന്റെ ‘മൂൺ വോക്’ ചുവടുകളെ അനുകരിച്ച് ഗതാഗതം നിയന്ത്രിക്കുന്ന രഞ്ജിത് സിങ് എന്ന ട്രാഫിക് പൊലീസുകാരന്റെ വിഡിയോയിൽ നിന്നു പ്രചോദനം ഉൾക്കൊണ്ടും നഗരത്തിലെ വിദ്യാർഥികളടക്കമുള്ള ട്രാഫിക് വൊളന്റിയർമാരുടെ സേവനത്തിൽ ആകൃഷ്ടയായും ശുഭി നിരത്തിൽ ഇറങ്ങിയത്. 3 വർഷമായി ശുചിത്വത്തിൽ രാജ്യത്ത് ഒന്നാമതു നിൽക്കുന്ന ഇൻഡോർ എന്ന തന്റെ സ്വന്തം സ്ഥലം ഗതാഗത നിയന്ത്രണത്തിലും ഒന്നാമതെത്തണമെന്നാണ് തന്റെ ആഗ്രഹമെന്ന് ശുഭി പറയുന്നു .
https://www.facebook.com/Malayalivartha