ജമ്മു കശ്മീരില്‍ 3ജി, 4ജി ഇന്റര്‍നെറ്റ് സേവനങ്ങള്‍ക്കുള്ള നിരോധനം ഫെബ്രുവരി 24 വരെ തുടരുമെന്ന് ഭരണകൂടം. 2ജി ഇന്റര്‍നെറ്റ് സേവനങ്ങള്‍ തുടര്‍ന്ന് ലഭ്യമാകും. 1400 വെബ്‌സൈറ്റുകള്‍ മാത്രമാവും 2ജി ഇന്റര്‍നെറ്റ് ഉപയോഗിച്ച് ലഭ്യമാകുക. സമാധാനത്തെ തകര്‍ക്കാനുള്ള ചില ശ്രമങ്ങളുണ്ടാവുന്നുണ്ടെന്ന് റിപ്പോര്‍ട്ടുകളുണ്ട്. ഈയൊരു സാഹചര്യത്തില്‍ ഇന്റര്‍നെറ്റ് സേവനം റദ്ദാക്കുകയല്ലാതെ മറ്റു വഴികളില്ലെന്നാണ് ജമ്മുകശ്മീര്‍ ആഭ്യന്തര മന്ത്രാലയം വിശദീകരിക്കുന്നത്.
ഇന്റര്‍നെറ്റ് ലഭ്യമാവുന്നവര്‍ പ്രകോപനപരമായ കാര്യങ്ങള്‍ അപ്‌ലോഡ് ചെയ്യരുതെന്നും നിര്‍ദേശിച്ചിട്ടുണ്ട്. ജനുവരി 24നാണ് ജമ്മുകശ്മീരില്‍ 2ജി മൊബൈല്‍ സംവിധാനം പുനഃസ്ഥാപിച്ചത്. ജമ്മു കശ്മീരിന് പ്രത്യേക പദവി നല്‍കുന്ന ആര്‍ട്ടിക്കള്‍ 370 റദ്ദാക്കിയതിന് പിന്നാലെയാണ് കശ്മീരില്‍ ഇന്റര്‍നെറ്റ് സേവനം റദ്ദാക്കിയത്.