ഏപ്രിൽ ഒന്നുമുതൽ ഇന്ത്യയിൽ ഏറ്റവും ശുദ്ധിയുള്ള പെട്രോളും ഡീസലും ലഭിക്കും; മാറുന്നത് ബിഎസ് 5 ഒഴിവാക്കി ബി എസ് 6ലേക്ക്
പെട്രോൾ ഡീസൽ ലഭ്യതയിൽ വിപ്ലവം സൃഷ്ടിക്കാനൊരുങ്ങി ഇന്ത്യ. ലോകത്തെ ഏറ്റവും ശുദ്ധിയുള്ള പെട്രോളും ഡീസലും ലഭ്യമാക്കാനൊരുങ്ങുകയാണ് ഇന്ത്യ. ഏപ്രില് ഒന്ന് മുതല് രാജ്യത്ത് ലഭിക്കുക ഏറ്റവും ശുദ്ധിയുള്ള പെട്രോളും ഡീസലുമായിരിക്കും എന്നാണ് റിപ്പോർട്ടുകൾ .യൂറോ നാല് നിലവാരത്തില് നിന്ന് യൂറോ ആറ് നിലവാരത്തിലേക്കാണ് മാറിയിക്കുന്നത്.വാഹനങ്ങള് പുറത്ത് വിടുന്ന മലിനീകരണ ഘടങ്ങളുടെ അളവ് നിയന്ത്രിക്കുന്നതിന്റെ മാനദണ്ഡമാണ് ഭാരത് സ്റ്റേജ് അഥവാ ബിഎസ് 6.
യൂറോപ്പിലെ യൂറോ ചട്ടങ്ങള്ക്ക് സമാനം തന്നെയാണ് ബി എസ് നിലവാരവും. വെറും മൂന്ന് വര്ഷം കൊണ്ട് വലിയ നേട്ടമാണ് ഇന്ത്യ സ്വന്തമാക്കിയത്. 2017ല് മാത്രമാണ് ബി എസ് 4 നിലവാരത്തിലേക്ക് ഇന്ത്യ മാറ്റം നേടിയത്. ഇപ്പോള് നാലില് നിന്ന് ബിഎസ് ആറിലേക്ക് ഇന്ത്യ കുതിച്ചുചാട്ടം നടത്തിയിരിക്കുന്നത്.
രാജ്യത്തെ അന്തരീക്ഷ മലിനീകരണം വലിയ പ്രതിസന്ധികള് സൃഷ്ടിക്കുമ്പോഴാണ് ബി എസ് 6 ലേക്ക് മാറാനുള്ള തീരുമാനംപുറത്തുവന്നിരിക്കുന്നത്. മുൻപുള്ള തീരുമാനപ്രകാരം ബിഎസ് 5 2019ലും ബിഎസ് 6 2023ലുമാണ് നിലവില്വരേണ്ടത്. ഇപ്പോള് ബിഎസ് 5 ഒഴിവാക്കി ബി എസ് 6ലേക്ക് ഇന്ത്യ മാറുകയാണ്.
https://www.facebook.com/Malayalivartha