ബംഗളൂരുവില് നാല് ആഫ്രിക്കന് സ്വദേശികളെ ജനക്കൂട്ടം ആക്രമിച്ചു
വടക്ക് കിഴക്കന് ബംഗളൂരുവിലെ ബൈരാത്തിയില് നാല് ആഫ്രിക്കന് സ്വദേശികളെ ജനക്കൂട്ടം ആക്രമിച്ചെന്ന് ആക്ഷേപം. പ്രദേശത്ത് ബഹളമുണ്ടാക്കി എന്നാരോപിച്ചായിരുന്നു ആക്രമണം.
ബുധനാഴ്ച അര്ദ്ധരാത്രി 12.30ന് തുടങ്ങിയ ആക്രമണം പുലര്ച്ചെ മൂന്ന് മണി വരെ നീണ്ടു നിന്നതായി ആഫ്രിക്കന് സ്വദേശിയായ ജോണ് വ്യക്തമാക്കി. താനും സുഹൃത്തുക്കളും വീട്ടിലേക്ക് വരുമ്പോള് പിന്നാലെയെത്തി ജനങ്ങള് തന്നെ മര്ദ്ദിക്കുകയായിരുന്നു. എന്തിന് വേണ്ടിയാണ് അവര് ആക്രമിച്ചതെന്ന് അറിയില്ല. ആക്രമണത്തില് തനിക്ക് പരിക്കേറ്റെന്നും ഇയാള് പറഞ്ഞു.
എന്നാല് പ്രദേശത്ത് ആക്രമണം നടന്നെന്ന വാദം പൊലീസ് നിഷേധിച്ചു. വാക്കു തര്ക്കത്തെ തുടര്ന്നുള്ള ഉന്തും തള്ളും മാത്രമാണ് നടന്നതെന്നാണ് താന് ആഫ്രിക്കന് സ്വദേശികളുമായി സംസാരിച്ചപ്പോള് അവര് പറഞ്ഞതെന്ന് അഡീഷണല് പൊലീസ് കമ്മീഷണര് അലോക് കുമാര് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
