കേന്ദ്രസര്‍ക്കാര്‍ ജീവനക്കാരുടേയും പെന്‍ഷന്‍കാരുടേയും ക്ഷാമബത്ത (ഡിഎ, ഡിആര്‍) വർധിപ്പിച്ചു. നാല് ശതമാനമാണ് വര്‍ധിപ്പിച്ചിരിക്കുന്നത്. പുതുക്കിയ ഡിഎ, ഡിആര്‍ ജനുവരി 1 മുതല്‍ മുന്‍കാല പ്രാബല്യത്തോടെ തന്നെ ജീവനക്കാര്‍ക്ക് ലഭിക്കുകയും ചെയ്യും.

ജീവനക്കാരുടെ പ്രതിമാസ ശമ്പളം 720 രൂപ മുതല്‍ 10,000 വരെ വര്‍ധിച്ചേക്കുമെന്നും വിദഗ്ധർ വിലയിരുത്തുന്നു. 35 ലക്ഷം കേന്ദ്രസര്‍ക്കാര്‍ ജീവനക്കാര്‍ക്കും 25 ലക്ഷം പെന്‍ഷന്‍കാര്‍ക്കുമാണ് ഇതിന്റെ ആനുക്കൂല്യം അനുഭവിക്കാൻ കഴിയുന്നത്. 2019 ഒക്ടോബറില്‍ കേന്ദ്രസര്‍ക്കാര്‍ ജീവനക്കാരുടെ ഡിഎ 12 ശതമാനത്തില്‍നിന്നും 17 ആക്കി കേന്ദ്രസര്‍ക്കാര്‍ കൂട്ടിയിരുന്നു. ഇതിന് പിന്നാലെയാണ് ഈ തീരുമാനം വന്നിരിക്കുന്നത്.