കോവിഡ് - 19 വൈറസ് ബാധ നിയന്ത്രിക്കാനായി കേരള ഗവണ്മെന്റ് എടുത്ത മുൻകരുതലുകൾ രാജ്യത്താകെ മാതൃകാപരമെന്ന് സിപിഐ എം. ഇതിലൂടെ രാജ്യത്തിന്റെ അംഗീകാരം നേടിയെടുത്ത ഗവണ്മെന്റിനെ അഭിനന്ദിക്കുകയാണെന്നും അവർ വ്യക്തമാക്കി. സർക്കാർ നടപടികളോട് സഹകരിച്ചു കൊണ്ട് തന്നെ പാർട്ടി പ്രവർത്തകരും പൊതുജനങ്ങളൊക്കെയും സമൂഹത്തിൽ ശാസ്ത്രീയ അവബോധം വളർത്തിക്കൊണ്ട് പ്രതിരോധ പ്രവര്ത്തനങ്ങൾക്കായി രംഗത്തിറങ്ങണമെന്നും സിപിഐ എം സംസ്ഥാന സെക്രട്ടറിയേറ്റ് അഭ്യർത്ഥിക്കുകയും ചെയ്തു.

സർക്കാർ നിർദേശിക്കുന്ന ബോധവത്ക്കരണവും, രോഗവ്യാപനം തടയുന്നതിന് ആവശ്യമാണ്. കോവിഡ് - 19 വൈറസ് ബാധ രാജ്യമാകമാനം രണ്ടാംഘട്ടത്തിലേക്ക് കടന്നു. വളരെ സൂക്ഷ്മതയോടു കൂടി പ്രതിരോധ പ്രവർത്തനം സംഘടിപ്പിക്കുക വഴി രോഗവ്യാപനം നിയന്ത്രിക്കുവാൻ സംസ്ഥാനത്തിന് കഴിഞ്ഞുവെന്ന കാര്യം അദ്ദേഹം ചൂണ്ടിക്കാട്ടി. തെറ്റിദ്ധരിപ്പിക്കുന്നതും അശാസ്ത്രീയവുമായ രോഗപ്രതിരോധ മാർഗ്ഗങ്ങൾക്ക് പിന്നാലെ പോകാതെ, അന്ധവിശ്വാസങ്ങളും, കപട പ്രചരണങ്ങളും നടത്തുന്നവരെ ഒറ്റപ്പെടുത്താൻ കഴിയണമെന്നും അദ്ദേഹം പറഞ്ഞു. സോഷ്യൽ മീഡിയ ഉപയോഗിച്ചും അല്ലാതേയും ശരിയായ ബോധവത്ക്കരണം നടത്തുവാനും, ശാസ്ത്രീയമായ അവബോധമുണ്ടാക്കാനും പാർട്ടി പ്രവർത്തകർ മുന്കൈയെടുക്കണമെന്നും സംസ്ഥാന സെക്രട്ടറിയേറ്റ് അഭ്യർത്ഥിക്കുകയും ചെയ്തു.