ഇന്ത്യയിലെ മരുന്ന് നിര്‍മാണ രംഗത്തെ ഭീമന്മാരായ സിപ്‌ല കോവിഡ്-19നെ പ്രതിരോധിക്കാനുള്ള ആന്റി വൈറല്‍ മരുന്ന് വികസിപ്പിക്കാന്‍ തയ്യാറാകുന്നു ; ഐഐസിടിയും കൈകോര്‍ക്കുന്നു
ലോകത്താകമാനം കൊറോണയ്ക്കുള്ള പ്രതിരോധ മരുന്ന് നിര്‍മിക്കാനുള്ള പഠനങ്ങളും ഗവേഷണങ്ങളും ആരംഭിച്ചുകഴിഞ്ഞു. ഇന്ത്യയിലെ മരുന്ന് നിര്‍മാണ രംഗത്തെ ഭീമന്മാരായ സിപ്‌ല കോവിഡ്-19നെ പ്രതിരോധിക്കാനുള്ള ആന്റി വൈറല്‍ മരുന്നിനുള്ള മൂന്ന് രാസ സംയുക്തങ്ങള്‍ വികസിപ്പിക്കാന്‍ തയ്യാറായി രംഗത്തെത്തി. ഇതിനായി കൗണ്‍സില്‍ ഓഫ് സയിന്റിഫിക് ആന്റ് റിസേര്‍ച്ച്, (CSIR), ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് കെമിക്കല്‍ ടെക്‌നോളജി (IICT) എന്നിവയോട് സഹായം അഭ്യര്‍ഥിച്ചിട്ടുണ്ട്. രാസസംയുക്തങ്ങള്‍ നിര്‍മിക്കുന്നതിനുള്ള അനുമതി തേടി സിപ്‌ല ചെയര്‍മാര്‍ വൈ.കെ ഹമെയ്ദ് ഐ.ഐ.സി.ടി.യെ സമീപിച്ചതായി ഡയറക്ടര്‍ എസ്. ചന്ദ്രശേഖര്‍, പ്രിന്‍സിപ്പള്‍ സയിന്റിസ്റ്റ് പ്രതമ എസ് മണികര്‍ എന്നിവര്‍ പറഞ്ഞു.
ഫവിപിരവിര്‍, റെമിഡിസിവിര്‍, ബോലാക്‌സവിര്‍ എന്നീ രാസസംയുക്തങ്ങളാണ് നിര്‍മിക്കുക. അനുമതി നല്‍കിയാല്‍ ഈ മരുന്ന് സംയുക്തങ്ങള്‍ നിര്‍മിച്ച് ക്ലിനിക്കല്‍ പരീക്ഷണം നടത്താനും ഫലവത്തെങ്കില്‍ വന്‍തോതില്‍ ഉത്പാദിപ്പിക്കാനും സിപ്‌ലയ്ക്ക് സാധിക്കും. ഫവിപിരവിര്‍ (Favipiravir), റെമിഡെസിവിര്‍ (Remidesivir), ബോലാക്‌സവിര്‍ (Bolaxavir) എന്നീ മരുന്നുകള്‍ ഇതിനോടകം ക്ലിനിക്കല്‍ ട്രയലുകള്‍ പൂര്‍ത്തിയാക്കിയ മരുന്നുകളാണ്. അതിനാല്‍ ഇവ ഉത്പാദിപ്പിക്കാന്‍ അധിക സമയം വേണ്ടിവരില്ല. ആറ് മുതല്‍ പത്ത് ആഴ്ച വരെ സമയം കൊണ്ട് അവ പൂര്‍ണതോതില്‍ ഉത്പാദിപ്പിക്കാനാവും. ബോലാക്‌സവിര്‍ തന്മാത്രകള്‍ നിര്‍മിച്ചെടുക്കാനുള്ള ശ്രമങ്ങള്‍ ദ്രുതഗതിയില്‍ പുരോഗമിക്കുന്നുണ്ട്.
https://www.facebook.com/Malayalivartha
