പ്രധാനമന്ത്രി നരേന്ദ്ര മോദി ഞായറാഴ്ച രാഷ്ട്രത്തെ അഭിസംബോധന ചെയ്തേക്കുമെന്ന് സൂചന
കോവിഡ് 19നെ തുടര്ന്ന് സമൂഹവ്യാപനം തടയുന്നതിന്റെ ഭാഗമായി ഏര്പ്പെടുത്തിയ ലോക്ക്ഡൗണ് ഈ മാസം 14ന് അവസാനിക്കാനിരിക്കെ പ്രധാനമന്ത്രി നരേന്ദ്ര മോദി ഞായറാഴ്ച രാഷ്ട്രത്തെ അഭിസംബോധന ചെയ്തേക്കുമെന്ന് സൂചന. ലോക്ക്ഡൗണ് നീട്ടുന്നത് സംബന്ധിച്ച് നാളെ മുഖ്യമന്ത്രിമാരുമായി പ്രധാനമന്ത്രി ചര്ച്ച വിളിച്ചിട്ടുണ്ട്. ഇതിന് പിന്നാലെ പുതിയ പ്രഖ്യാപനങ്ങളുമായി അദ്ദേഹം ഞായറാഴ്ച ജനങ്ങളെ അഭിസംബോധന ചെയ്യുമെന്നാണ് പുറത്ത് വരുന്ന റിപ്പോര്ട്ടുകള്. ഇളവുകളോടെ ലോക്ക്ഡൗണ് നീട്ടാനാണ് സാധ്യതയെന്നും മാധ്യമങ്ങള് റിപ്പോര്ട്ട് ചെയ്യുന്നു.
ലോക്ക്ഡൗണിനെ തുടര്ന്ന് സാമ്ബത്തിക പ്രയാസങ്ങള് നേരിടുന്നതിന്റെ പശ്ചാത്തലത്തില് സാമൂഹിക അകലം പാലിച്ച്, ഇളവുകള് നല്കി അവശ്യ മേഖലകളെ പ്രവര്ത്തിക്കാന് അനുവദിച്ചേക്കും. അത്യാവശ്യ കാര്യങ്ങള്ക്കല്ലാത്ത അന്തര് സംസ്ഥാന യാത്രകള് അനുവദിച്ചേക്കില്ല. വിദ്യാഭ്യാസ സ്ഥാപനങ്ങളും അടച്ചിട്ടേക്കുമെന്നും സൂചനയുണ്ട്. വ്യോമയാന മേഖല കടുത്ത നിയന്ത്രണത്തോടെ പുനരാരംഭിച്ചേക്കും. ഒരു സീറ്റ് ഇടവിട്ടായിരിക്കും ക്രമീകരണം നടത്തുക. ലോക്ക്ഡൗണ് പൂര്ണമായി മാറ്റാനാകില്ലെന്ന് പാര്ട്ടി നേതാക്കളുമായി നടത്തിയ വീഡിയോ കോണ്ഫറന്സില് പ്രധാനമന്ത്രി സൂചിപ്പിച്ചിരുന്നു.
ലോക്ക്ഡൗണിന് ശേഷം വലിയ രീതിയില് പെരുമാറ്റത്തിലും വ്യക്തിപരമായും മാറ്റങ്ങളുണ്ടാകുമെന്ന് പ്രധാനമന്ത്രി കഴിഞ്ഞ ദിവസം പറഞ്ഞിരുന്നു. മൂന്നാഴ്ചത്തെ ലോക്ക്ഡൗണ് രോഗ വ്യാപനത്തിന്റെ തോത് കുറച്ചെന്നാണ് കേന്ദ്ര സര്ക്കാര് വാദം. അതേസമയം, ലക്ഷക്കണക്കിന് ആളുകള്ക്ക് തൊഴില് നഷ്ടമായെന്നും സര്ക്കാര് സമ്മതിക്കുന്നു.
മിക്ക സംസ്ഥാനങ്ങളും ലോക്ക്ഡൗണ് നീട്ടണമെന്ന് അഭിപ്രായപ്പെട്ടിരുന്നു. ഒഡിഷ, പഞ്ചാബ് സംസ്ഥാനങ്ങള് ലോക്ക്ഡൗണ് ഏപ്രില് അവസാനം വരെ നീട്ടി. കര്ണാടക, ഉത്തര്പ്രദേശ്, മധ്യപ്രദേശ്, രാജസ്ഥാന്, തെലങ്കാന, ഛത്തീസ്ഗഢ്, അസം തുടങ്ങിയ സംസ്ഥാനങ്ങളും ലോക്ക്ഡൗണ് നീട്ടിയേക്കുമെന്ന് സൂചനയുണ്ട്.
അതേസമയം ഡല്ഹിയില് ഇന്ന്മാത്രം കൊവിഡ് രോഗം സ്ഥിരീകരിച്ചത് 183 പേര്ക്ക്. അതിനിടെ സ്വകാര്യ ആശുപത്രിയിലെ മലയാളി നഴ്സിന് പൊലീസിന്റെ മര്ദ്ദനമേറ്റതായി പരാതി ഉയര്ന്നിട്ടുണ്ട്. ഐഡി കാര്ഡ് കാണിക്കുന്നതിനിടെ പൊലീസുകാരന് കൈയിലും പുറത്തും അടിച്ചെന്നാണ് പശ്ചിമ വിഹാറിലെ സ്വകാര്യ ആശുപത്രിയിലെ നേഴ്സായ വിഷ്ണുവിന്റെ പരാതി. മഹാരാഷ്ട്രയില് കൊവിഡ് രോഗികളുടെ എണ്ണം 1574 ആയി. സംസ്ഥാനത്ത് ഇതുവരെ 107 പേര് കൊവിഡ് ബാധിച്ച് മരിച്ചു.
മുംബൈയില് മാത്രം 251 തീവ്ര ബാധിത മേഖലകള് ഉണ്ടെന്ന് കണ്ടെത്തി. ആന്ധ്രപ്രദേശില് ഇന്ന് 16 പേര്ക്കാണ് രോഗം സ്ഥിരീകരിച്ചത്. സംസ്ഥാനത്ത് ആകെ രോഗികളുടെ എണ്ണം 381 ആയി. ഗുജറാത്തില് ഇന്ന് 70 പേര്ക്കാണ് വൈറസ് ബാധ സ്ഥിരീകരിച്ചത്. ഇതോടെ സംസ്ഥാനത്തെ ആകെ രോഗികളുടെ എണ്ണം 378 ആയി ഉയര്ന്നു. 19 പേരാണ് ഇവിടെ ഇതിനോടകം മരിച്ചത്. 33 പേര്ക്ക് രോഗം ഭേദമായി. തെലങ്കാനയിലും ഇന്ന് 16 പേര്ക്ക് കൊവിഡ് സ്ഥിരീകരിച്ചിട്ടുണ്ട്. ആകെ രോഗികളുടെ എണ്ണം 487 ആണ്.
https://www.facebook.com/Malayalivartha