മന്ത്രി വീണ ജോര്ജിനെ വിമര്ശിച്ച് സംവിധായകന് അഖില് മാരാര്
കണ്ണൂര് റെയില്വേ സ്റ്റേഷന് പരിസരത്ത് വെച്ച് കെഎസ്യു പ്രവര്ത്തകര് നടത്തിയ പ്രതിഷേധത്തില് മന്ത്രി വീണാ ജോര്ജിന് പരുക്കേറ്റ സംഭവത്തില് വിമര്ശിച്ച് സംവിധായകന് അഖില് മാരാര്. നാളിതുവരെ കണ്ട മന്ത്രിമാരില് മോശം എന്നല്ല ഒരു മഹാ ദുരന്തമാണ് വീണ ജോര്ജെന്ന് അഖില് പറയുന്നു.
ആശുപത്രിയില് ഡോക്ടര്ക്ക് സംഭവിച്ച പിഴവ് നേരിട്ട് മന്ത്രിയെ ബാധിക്കില്ല എങ്കിലും അതിന്റെ ധാര്മികത മനസ്സിലാക്കി പൊതു സമൂഹത്തോട് ക്ഷമ പറയാന് എങ്കിലും ശ്രമിക്കാതെ അതിന് പകരം പ്രതിഷേധിച്ച യുവ ജനങ്ങളോടും മാധ്യമങളോടും ആക്രോശിക്കാനും കൊമ്പ് കോര്ക്കാനും ആണ് ഇവര് ശ്രമിച്ചത്..ഫലമോ ചെയ്യാത്ത തെറ്റിന്റെ പേരില് കുറെ കെഎസ്യു ഭാരവാഹികളെ റിമാന്ഡ് ചെയ്തു.ഒരേ സമയം ഭാവിയില് നാട് നയിക്കേണ്ട ഇരു ഭാഗത്തേയും കുട്ടികള് തമ്മില് തല്ലി ചാവുന്നു.കുറെയെണ്ണം ജയിലില് പോകുന്നു.
അഖില് മാരാരിന്റെ വാക്കുകള്:
''ആരോഗ്യ മന്ത്രി വീണ ജോര്ജ് കേരളം നാളിതുവരെ കണ്ട മന്ത്രിമാരില് മോശം എന്നല്ല ഒരു മഹാ ദുരന്തമാണ് എന്ന കാര്യത്തില് ഇടത് പക്ഷത്തിനു പോലും എതിരാഭിപ്രായമുണ്ടാവില്ല. ആശുപത്രിയില് ഡോക്ടര്ക്ക് സംഭവിച്ച പിഴവ് നേരിട്ട് മന്ത്രിയെ ബാധിക്കില്ല എങ്കിലും അതിന്റെ ധാര്മികത മനസ്സിലാക്കി പൊതു സമൂഹത്തോട് ക്ഷമ പറയാന് എങ്കിലും വിവരം ലവ ലേശം ഇല്ലാത്ത നടി ( മന്ത്രി )മനസ്സിലാക്കണമായിരുന്നു.
അതിന് പകരം പ്രതിഷേധിച്ച യുവ ജനങ്ങളോടും മാധ്യമങളോടും ആക്രോശിക്കാനും കൊമ്പ് കോര്ക്കാനും ആണ് ഇവര് ശ്രമിച്ചത്..ഫലമോ ചെയ്യാത്ത തെറ്റിന്റെ പേരില് കുറെ കെഎസ്യു ഭാരവാഹികളെ റിമാന്ഡ് ചെയ്തു... അതിന്റെ പേരില് നാട്ടില് കോണ്ഗ്രസ്സ് ഓഫിസുകള് തല്ലി തകര്ക്കുന്നു..തിരിച്ചടികള് നടക്കുന്നു..ഒരേ സമയം ഭാവിയില് നാട് നയിക്കേണ്ട ഇരു ഭാഗത്തേയും കുട്ടികള് തമ്മില് തല്ലി ചാവുന്നു..കുറെയെണ്ണം ജയിലില് പോകുന്നു.. ഇവരെ തമ്മില് തല്ലിച്ച നേതാക്കന്മാര് ഈ വിഷയം പരമാവധി ആളി കത്തിച്ചു മുന്നോട്ട് കൊണ്ട് പോകാന് നോക്കുന്നു...
ഈശ്വരാ ആരെങ്കിലും ആരെയെങ്കിലും ഒന്ന് കൊന്ന് കളഞ്ഞിരുന്നെങ്കില് എന്നായിരിക്കും ഇരു വിഭാഗത്തെയും നേതാക്കള് സ്വപ്നം കാണുന്നത്.. ഇപ്പോള് ഒരു രക്ത സാക്ഷിയെ ആര്ക്ക് കിട്ടിയാലും ലോട്ടറി അല്ലേ... ഈ നാട് ഈ വിധം നശിപ്പിച്ചത് ഇവരാണ്.. ദയവ് ചെയ്തു ഇക്കൂട്ടര്ക്ക് ഒറ്റ വോട്ട് പോലും കൊടുക്കരുത്..
ഇതേ വിഷയത്തെ നിയമപരമായി കൈകാര്യം ചെയ്തു മന്ത്രിയുടെ തെറ്റുകള് പൊതു ജനത്തിന് മുന്നില് ചൂണ്ടി കാണിച്ചു അടുത്ത തിരഞ്ഞെടുപ്പില് പരാജയപ്പെടുത്തിയാല് പോരായിരുന്നോ എന്നൊരു ചോദ്യം നമ്മള് ചോദിച്ചാല്...അമ്മയാണെ സത്യം സിനിമയില് ഭിത്തിയില് തുപ്പി വെച്ച കരമന പറയുന്ന സന്തോഷത്തോടെ ഇവര് പറയും...
അതില് ഒരു ത്രില്ലില്ല..നാട് കുട്ടിചോറാക്കണം.. പാര്ട്ടിയുടെ അടിമകള് തമ്മില് തല്ലി ചാവണം...ഞങ്ങള് ഇങ്ങനെയാണ് ഭായ്... ഇവിടെ ഇങ്ങനെയാണു ഭായ്.''
https://www.facebook.com/Malayalivartha
