സാമ്പത്തിക ക്രമക്കേട് :തീസ്റ്റയെ വിധി വരും വരെ അറസ്റ്റ് ചെയ്യരുതെന്ന് സുപ്രീം കോടതി
സാമ്പത്തിക ക്രമക്കേട് കേസില്പ്പെട്ട സാമൂഹ്യ പ്രവര്ത്തക തീസ്റ്റ സെതല്വാദിന്റെ മുന്കൂര് ജാമ്യാപേക്ഷയില് വിധി വരും വരെ അവരെ അറസ്റ്റ് ചെയ്യരുതെന്ന് സുപ്രീം കോടതി. തീസ്റ്റ നല്കിയ ജാമ്യാപേക്ഷ പരിഗണിക്കുന്നത് രണ്ടംഗ ബെഞ്ചില് നിന്ന് വിപുലമായ ബെഞ്ചിലേക്ക് കോടതി മാറ്റി. ഗുജറാത്ത് കലാപത്തിലെ ഇരകള്ക്ക് വേണ്ടി സ്വീകരിച്ച സംഭാവനകളില് തിരിമറി നടത്തിയെന്ന ആരോപണത്തെ തുടര്ന്ന് ഗുജറാത്ത് പൊലീസ് ടീസ്റ്റയ്ക്കെതിരെ കേസെടുത്തിരുന്നു. ഗുജറാത്ത് ഹൈക്കോടതി ജാമ്യം നിഷേധിച്ചതോടെ ടീസ്റ്റ സുപ്രീം കോടതിയെ സമീപിക്കുകയായിരുന്നു. ടീസ്റ്റയെ അറസ്റ്റ് ചെയ്യേണ്ട കാര്യമെന്താണെന്ന് സര്ക്കാരിനോട് ചോദിച്ചു കോടതി നല്ല ലക്ഷ്യങ്ങള്ക്കായി പ്രവര്ത്തിക്കുന്ന ടീസ്റ്റയേയും ഭര്ത്താവിനേയും തട്ടിപ്പുകാരായി ചിത്രീകരിക്കരുതെന്ന് നേരത്തെ പറഞ്ഞിരുന്നു.
2002 ഫെബ്രുവരിയില് ഗുല്ബര്ഗ് സൊസൈറ്റിയില് അക്രമത്തിന് ഇരയായവരുടെ വീട് പുനര്നിര്മ്മിക്കാനെന്ന പേരില് വിദേശത്തും സ്വദേശത്തുമുള്ള സംഘടനകളില് നിന്നും ഇവര് ഒന്നരക്കോടി രൂപയോളം പിരിച്ചെടുത്തെന്നും എന്നാല് അക്രമത്തിന് ഇരയായവര്ക്ക് ഒന്നും നല്കിയിട്ടില്ലെന്നതുമാണ് പരാതിക്കാര് ആരോപിച്ചത്. സംഭവത്തില് ടീസ്റ്റ സെതല്വാദ്, ഭര്ത്താവ് ജാവേദ് ആനന്ദ്, കലാപത്തില്ല് കൊല്ലപ്പെട്ട എം.പി ഇഹ്സാന് ജഫ്രിയുടെ മകന് തന്വീര്, ഗുല്ബര്ഗ് സൊസൈറ്റിയുടെ സെക്രട്ടറി ഫിറോസ് ഗുല്സാര്, സൊസൈറ്റി ചെയര്മാന് സലിം ശാന്തി എന്നിവര്ക്കെതിരെയാണ് കേസെടുത്തത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha