നിയമസഭയ്ക്കുള്ളില്‍ അപമാനിച്ചെന്ന ഇ.എസ്. ബിജിമോള്‍ എംഎല്‍എയുടെ പരാതിയില്‍ മന്ത്രി ഷിബു ബേബി ജോണിനെതിരെ കേസെടുക്കാമെന്ന് ഗവ. പ്ലീഡറുടെ നിയമോപദേശം. ആക്ഷേപകരമായ പരാമര്‍ശത്തിന് എം.എ. വാഹിദിനെതിരെയും കെ.സി. അബുവിനെതിരെയും കേസെടുക്കാന്‍ സാധിക്കും. കേസെടുക്കുകയല്ലാതെ പൊലീസിന് മറ്റു പോംവഴിയില്ല. കേസെടുത്തില്ലെങ്കില്‍ പൊലീസ് ഉദ്യോഗസ്ഥന് ആറുമാസം വരെ തടവുശിക്ഷ ലഭിക്കാം. കേസെടുത്തശേഷം സ്പീക്കറുമായി കൂടിയാലോചിച്ച് അറസ്റ്റ് അടക്കമുള്ള നടപടികള്‍ സ്വീകരിക്കാമെന്നും നിയമോപദേശം നല്‍കി. 
ഒരു സമരത്തിന്റെ ഭാഗമായി മന്ത്രി തന്നെ കായികമായി തടയുകയാണെന്നാണ് കരുതിയത്. എന്നാല്‍ ലൈംഗിക ഉദ്ദേശത്തോടെയാണ് തടഞ്ഞതെന്ന് അബുവിന്റെ പ്രസ്താവനയിലൂടെ വ്യക്തമായി. മന്ത്രിക്കെതിരെ ഇന്ത്യന്‍ ശിക്ഷനിയമം 354-ാം വകുപ്പു പ്രകാരം കേസെടുക്കണമെന്നും ബിജിമോള്‍ ഡിജിപി: കെ.എസ്. ബാലസുബ്രഹ്മണ്യത്തിനു നല്‍കിയ പരാതിയില്‍ ആവശ്യപ്പെട്ടിരുന്നു. സഭയ്ക്കുള്ളില്‍ വച്ച് തടഞ്ഞത് ബിജിമോള്‍ ആസ്വദിച്ചെന്ന് ഷിബു പറഞ്ഞതായി ഇന്നലെ കെ.സി. അബു വെളിപ്പെടുത്തിയിരുന്നു. ഇതിനു പിന്നാലെയാണ് ബിജിമോള്‍ ഡിജിപിക്ക് പരാതി നല്‍കിയത്. എം.എ. വാഹിദ് ലൈംഗിക അതിക്രമം നടത്തിയെന്നു പരാതിയില്‍ പറയുന്നു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha