കഴിഞ്ഞ ദിവസമായിരുന്നു നാടിനെ ഞെട്ടിച്ച സംഭവമുണ്ടായത്. മൃതദേഹം വീട്ടിലേക്ക് കൊണ്ടുവരാന്‍ പണമില്ലാത്തത് മൂലം പിതാവിന്റെ ആത്മാവിന് മോക്ഷം കിട്ടാന്‍ ഡമ്മി വെച്ച്‌ ചിതയൊരുക്കിയ കുടുംബത്തിന് നാട്ടുകാരുടെ സഹായ പ്രവാഹം.

ഗൊരഖ്പൂരിലെ ചൗരിചൗരാ പോലീസ് സ്‌റ്റേഷന്‍ പരിധിയിലുള്ള ധമ്രിഖുര്‍ദ്ദ് ഗ്രാമത്തില്‍ ഏപ്രില്‍ 17 ന് ആയിരുന്നു സംഭവം. ഡല്‍ഹിയില്‍ മരണമടഞ്ഞ് മോര്‍ച്ചറിയില്‍ കിടക്കുന്ന പിതാവിന് മോക്ഷം കിട്ടാന്‍ കുടുംബം പ്രതീകാത്മകമായി ചിതയൊരുക്കിയതും കത്തിച്ചതും. മരണമടഞ്ഞ കൂലിപ്പണിക്കാരന്‍ സുനില്‍ എന്ന 35 കാരന്റെ ഒരു വയസ്സുള്ള ഏകമകനായിരുന്നു ഡമ്മിയെ വെച്ചുള്ള ചിതയ്ക്ക് തീ കൊളുത്തിയത്. ഭാര്യയും നാലു പെണ്‍കുട്ടികള്‍ ഉള്‍പ്പെടെ അഞ്ചു മക്കളും മാതാപിതാക്കളുമടങ്ങുന്ന കുടുംബത്തിന്റെ ഏക വരുമാനമാര്‍ഗ്ഗമായിരുന്നു സുനില്‍.

ഏപ്രില്‍ 14 ന് ചിക്കന്‍ പോക്‌സ് പിടിപെട്ടായിരുന്നു മരണം. മൃതദേഹം ഡല്‍ഹിയിലെ ആശുപത്രിയില്‍ മോര്‍ച്ചറിയില്‍ സൂക്ഷിച്ചിരിക്കുകയായിരുന്നു. കൊണ്ടുവരാന്‍ പണമില്ലാതായതോടെയാണ് ഡമ്മി ​െ​വച്ചുള്ള പ്രതീകാത്മക ചിതയൊരുക്കാന്‍ തീരുമാനിച്ചത്. വാര്‍ത്ത പരന്നതോടെ നാട്ടുകാര്‍ പെട്ടെന്ന് സംഘടിക്കുകയും ഉന്നതാധികാരികളെ സഹായത്തിന് വിളിക്കുകയും ചെയ്തതോടെ ചൊവ്വാഴ്ച മൃതദേഹം ഡല്‍ഹിയില്‍ നിന്നും കൊണ്ടുവരാന്‍ കാര്യങ്ങള്‍ അനുകൂലമായി.

ഏപ്രില്‍ 11 നാണ് സുനിലിന്റെ കോണ്‍ട്രാക്ടര്‍ വീട്ടുകാരെ വിളിച്ച്‌ സുനിലിന് അസുഖമാണെന്നും ആശുപത്രിയില്‍ പ്രവേശിപ്പിച്ചതായും അറിയിച്ചത്. വീട്ടുകാര്‍ സുനിലുമായി ബന്ധപ്പെടാന്‍ ശ്രമിച്ചെങ്കിലും ഫോണില്‍ കിട്ടിയില്ല.

പിന്നാലെ ഏപ്രില്‍ 14 ന് ഒരു പോലീസുകാരന്‍ കുടുംബത്തെ വിളിച്ച്‌ സുനില്‍ മരിച്ചു പോയെന്നും മൃതദേഹം ഏറ്റുവാങ്ങാന്‍ എത്തണമെന്നും ആവശ്യപ്പെടുകയും ചെയ്തു. ഇതേ തുടര്‍ന്ന് കുടുംബം മൃതദേഹം കൊണ്ടുവരാന്‍ വാഹനത്തെ സമീപിച്ചെങ്കിലും ചോദിച്ചത് 25,000 രൂപയാണ്. പണം കണ്ടെത്താന്‍ കഴിയാതായതോടെ കുടുംബം പിന്‍വാങ്ങി. ഇതോടെയാണ് പ്രതീകാത്മമായി അന്ത്യചടങ്ങുകള്‍ നിര്‍വ്വഹിക്കാന്‍ തയ്യാറായത്.

പ്രശ്‌നം ശ്രദ്ധയില്‍പെട്ടതോടെ ഗ്രാമീണര്‍ മുമ്ബോട്ട് വരികയും അവര്‍ സംഭാവന സ്വരൂപിച്ച്‌ 75,000 രൂപ പിരിച്ചെടുത്ത പൂനത്തിന്റെ ബാങ്ക് അക്കൗണ്ടില്‍ ഇടുകയും ചെയ്തു. ഇതിനെപ്പം ചൗരി ചൗരായിലെ എസ്ഡിഎമ്മിന് മുമ്ബാകെ പൂനത്തിനെ കൊണ്ടു അപേക്ഷ സമര്‍പ്പിക്കുകയും അവിടെ നിന്നും സാമ്ബത്തീക പരാധീനത മുന്‍ നിര്‍ത്തി മൃതദേഹം ഡല്‍ഹിയില്‍ നിന്നും അയയ്ക്കാന്‍ ഡല്‍ഹി പോലീസിനോട് അപേക്ഷിക്കുകയും ചെയ്തു. പണം സ്വരൂപിച്ച്‌ നല്‍കിയ നാട്ടുകാര്‍ വീട്ടിലേക്ക് ആവശ്യമായ പച്ചക്കറിയും മറ്റ് അവശ്യ വസ്തുക്കളും എത്തിച്ചു.

നാലു പെണ്‍മക്കള്‍ ഉള്‍പ്പെടെ സുനിലിന്റെ അഞ്ചു മക്കള്‍ക്കും സൗജന്യ വിദ്യാഭ്യാസം നല്‍കാമെന്നും എസ്ഡിഎം അര്‍പ്പിതാ ഗുപ്ത പറഞ്ഞിരിക്കുകയാണ്. മാതാപിതാക്കള്‍ക്കൊപ്പമാണ് സുനിലിന്റെ കുടുംബം താമസിക്കുന്നത്. സുനിലിന്റെ സഹോദരന്‍ മാറിത്താമസിക്കുകയാണ്.