പ്രധാനമന്ത്രി മുഖ്യമന്ത്രിമാരുടെ ചർച്ച നടത്തും; വീഡിയോ കോണ്ഫറന്സ് സംവിധാനത്തിലൂടെ ഏപ്രില് 27-ന് ആശയ വിനിമയം നടത്തും
കൊറോണ വൈറസ് വ്യാപനത്തിന്റെ പശ്ചാത്തലത്തില് പ്രധാനമന്ത്രി നരേന്ദ്രമോദി എല്ലാ സംസ്ഥാന മുഖ്യമന്ത്രിമാരുമായും ചർച്ച നടത്തും. വീഡിയോ കോണ്ഫറന്സ് സംവിധാനത്തിലൂടെ ഏപ്രില് 27-നാണ് പ്രധാനമന്ത്രി മുഖ്യമന്ത്രിമാരുമായി ആശയവിനിമയം നടത്തുന്നത്. വാര്ത്താ ഏജന്സി റിപ്പോര്ട്ടു ചെയ്തതാണ് ഇക്കാര്യം. ഇത് മൂന്നാംതവണയാണ് പ്രധാനമന്ത്രി മുഖ്യമന്ത്രിമാരുമായി വീഡിയോ കോണ്ഫറന്സ് നടത്തുന്നത്.
സംസ്ഥാനങ്ങളിലെ കോവിഡ് പ്രതിരോധ നടപടികള് വിലയിരുത്തുന്നതിന് വേണ്ടിയാണ് പ്രധാനമന്ത്രി മുഖ്യമന്ത്രിമാരെ കാണുന്നത്. രാജ്യത്ത് കോവിഡ് ബാധിച്ച് നിലവില് 652 പേരാണ് മരിച്ചത്. ഇതുവരെ 20,471 കോവിഡ് കേസുകള് റിപ്പോര്ട്ട് ചെയ്തു. പുതിയതായി 1486 പേര്ക്ക് രോഗം ബാധിച്ചു. കോവിഡ് ബാധിച്ചവരില് 15,859 പേര് ആശുപത്രിയില് ചികിത്സയിലാണ്. 3959 പേര് രോഗമുക്തി നേടി.
സംസ്ഥാനത്ത് ഇന്ന് 11 പേര്ക്ക് കൂടി കോവിഡ് സ്ഥിരീകരിച്ചു. ഒരാളുടെ പരിശോധനാഫലം നെഗറ്റീവായി. കണ്ണൂര് 7, കോഴിക്കോട് 2, കോട്ടയം 1, മലപ്പുറം 1 എന്നിങ്ങനെയാണ് രോഗം സ്ഥിരീകരിച്ചത്. 437 പേര്ക്ക് ഇതുവരെ രോഗം സ്ഥിരീകരിച്ചു, ഇതില് 127 പേര് നിലവില് ചികിത്സയിലാണ്. ഇന്ന് മാത്രം 95 പേര് ആശുപത്രിയില് പ്രവേശിപ്പിക്കപ്പെട്ടു. ഇതുവരെ 20821 സാമ്ബിളുകള് പരിശോധിച്ചതായി മുഖ്യമന്ത്രി. 19998 സാമ്ബിളുകള് നെഗറ്റീവാണെന്ന് ഉറപ്പാക്കി.
https://www.facebook.com/Malayalivartha