നാളെ പ്രധാനമന്ത്രിയുടെ വീഡിയോ കോണ്ഫറന്സ് രാവിലെ 10 മണിക്ക്; പങ്കെടുക്കുന്നത് രാജ്യത്തിന്റെ കിഴക്ക് ഭാഗത്തും വടക്ക് കിഴക്ക് ഭാഗത്തുമായി സ്ഥിതി ചെയ്യുന്ന ഒന്പത് സംസ്ഥാനങ്ങളിലെ മുഖ്യമന്ത്രിമാര്
നാളെ പ്രധാനമന്ത്രി നരേന്ദ്ര മോഡിയുമായുള്ള വീഡിയോ കോണ്ഫറന്സില് രാജ്യത്തെ ഒന്പത് സംസ്ഥാനങ്ങളില് നിന്നുമുള്ള മുഖ്യമന്ത്രിമാര് പങ്കെടുക്കുമെന്ന് റിപ്പോര്ട്ട്. മാര്ച്ച് 14ന് ലോക്ക്ഡൗണ് ആരംഭിച്ച ശേഷം ഇത് നാലാം തവണയാണ് പ്രധാനമന്ത്രി നരേന്ദ്ര മോഡി സംസ്ഥാനങ്ങളുമായി വീഡിയോ കോണ്ഫറന്സിലൂടെ ചര്ച്ചയിലേര്പ്പെടുന്നത്. നാളെ രാവിലെ 10 മണിക്കാണ് വീഡിയോ കോണ്ഫറന്സ് ആരംഭിക്കുക. കൊവിഡ് പ്രതിരോധത്തിന്റെ ഭാഗമായി രാജ്യത്താകമാനം ഏര്പ്പെടുത്തിയ ലോക്ക്ഡൗണ് വീണ്ടും നീട്ടുന്ന വിഷയം ചര്ച്ചയാകുന്ന വീഡിയോ കോണ്ഫറന്സില് രാജ്യത്തിന്റെ കിഴക്ക് ഭാഗത്തും വടക്ക് കിഴക്ക് ഭാഗത്തുമായി സ്ഥിതി ചെയ്യുന്ന ഒന്പത് സംസ്ഥാനങ്ങളെങ്കിലും പങ്കെടുക്കുമെന്ന് ദേശീയ മാദ്ധ്യമമായ എന്.ഡി.ടി.വി റിപ്പോര്ട്ട് ചെയ്യുന്നു.
ബീഹാര്, ഒഡിഷ, ഗുജറാത്ത്, ഹരിയാന, ഉത്തരാഖണ്ഡ്, ഹിമാചല് പ്രദേശ്, മേഘാലയ, മിസോറം, കേന്ദ്ര ഭരണപ്രദേശമായ പുതുച്ചേരി എന്നിവിടങ്ങളില് നിന്നുമുള്ള മുഖ്യമന്ത്രിമാരാണ് പ്രധാനമന്ത്രിയുമായി ചര്ച്ചയില് പങ്കുചേരുക.
സംസ്ഥാങ്ങള്ക്ക് സാമ്ബത്തിക പാക്കേജ് നല്കണമെന്ന് സംസ്ഥാനങ്ങള് ചര്ച്ചയില് അഭ്യര്ത്ഥന നടത്തുമെന്നും വിവരമുണ്ട്. ഇതിനായി രാജ്യത്തെ ഫിസ്കല് റെസ്പോണ്സിബിളിറ്റി ആന്ഡ് ബഡ്ജറ്റ് മാനേജ്മെന്റ് നിയമത്തില് മാറ്റം വരുത്താനും സംസ്ഥാനങ്ങള് അഭ്യര്ത്ഥന നടത്തും. വലുതെന്നോ ചെറുതെന്നോ ഉള്ള വ്യത്യാസമില്ലാതെ ചര്ച്ചയില് പങ്കെടുക്കുന്ന എല്ലാ സംസ്ഥാനങ്ങള്ക്കും പ്രധാനമന്ത്രി സംസാരിക്കാന് അവസരം നല്കും എന്നാണ് അറിയുന്നത്. കഴിഞ്ഞ തവണത്തേതില് നിന്നും വ്യത്യസ്തമായി ഇത്തവണ സംസ്ഥാനങ്ങള് അഭ്യര്ത്ഥനകള് എഴുതി നല്കേണ്ടതില്ലെന്നും വിവരമുണ്ട്.
https://www.facebook.com/Malayalivartha
