കോവിഡ്- 19 വ്യാപനം രൂക്ഷമായി തുടരുന്ന പശ്ചാത്തലത്തില് അടച്ചിടല് വീണ്ടും നീട്ടണമെന്ന് ആറ് സംസ്ഥാനങ്ങള്... മുഖ്യമന്ത്രിമാരുമായി ഇന്ന് പ്രധാനമന്ത്രി നരേന്ദ്രമോദി നടത്തുന്ന വീഡിയോ കോണ്ഫറന്സില് ഇക്കാര്യം ചര്ച്ചയാകും, അടച്ചിടല് നിലവില് വന്നതിനുശേഷം മൂന്നാംവട്ടമാണ് പ്രധാനമന്ത്രി മുഖ്യമന്ത്രിമാരുമായി ചര്ച്ച നടത്തുന്നത്
കോവിഡ്- 19 വ്യാപനം രൂക്ഷമായി തുടരുന്ന പശ്ചാത്തലത്തില് അടച്ചിടല് വീണ്ടും നീട്ടണമെന്ന് ആറ് സംസ്ഥാനങ്ങള് കേന്ദ്രസര്ക്കാരിനോട് ആവശ്യപ്പെട്ടു. ഡല്ഹി, മഹാരാഷ്ട്ര, പശ്ചിമബംഗാള്, പഞ്ചാബ്, മധ്യപ്രദേശ്, ഒഡിഷ എന്നീ സംസ്ഥാനങ്ങളാണ് ഈയാവശ്യമുന്നയിച്ചത്. മുഖ്യമന്ത്രിമാരുമായി തിങ്കളാഴ്ച പ്രധാനമന്ത്രി നരേന്ദ്രമോദി നടത്തുന്ന വീഡിയോ കോണ്ഫറന്സില് ഇക്കാര്യം ചര്ച്ചയാകും. നിലവില് മേയ് മൂന്നുവരെയാണ് രാജ്യവ്യാപക അടച്ചിടല് പ്രഖ്യാപിച്ചിരിക്കുന്നത്.ഗുജറാത്ത്, ആന്ധ്രപ്രദേശ്, തമിഴ്നാട്, ഹരിയാണ, ഹിമാചല്പ്രദേശ്, കര്ണാടക എന്നീ സംസ്ഥാനങ്ങള് അടച്ചിടല് സംബന്ധിച്ച് കേന്ദ്രസര്ക്കാരിന്റെ നിര്ദേശമെന്തായാലും അതു നടപ്പാക്കുകയെന്ന നിലപാടാണെടുത്തിരിക്കുന്നത്
തെലങ്കാന നേരത്തേതന്നെ അടച്ചിടല് മേയ് ഏഴുവരെ നീട്ടിയിരുന്നു. കേന്ദ്ര ആഭ്യന്തരമന്ത്രാലയം പ്രഖ്യാപിച്ച ഇളവുകളും അവര് നടപ്പാക്കിയിട്ടില്ല. തീവ്രവ്യാപനമേഖലകളില് മേയ് 18 വരെ അടച്ചിടല് നീട്ടണമെന്നാണ് മഹാരാഷ്ട്രയുടെ നിലപാട്.രോഗവ്യാപന മേഖലകളില് അടച്ചിടല് നിലനിര്ത്തണമെന്നും രോഗബാധയില്ലാത്ത മേഖലകളില് സാമൂഹിക അകലം പാലിച്ചുകൊണ്ട് കൂടുതല് ഇളവുകള് ഏര്പ്പെടുത്തണമെന്നും സംസ്ഥാനങ്ങള് ആവശ്യപ്പെടും. അടച്ചിടല് നിലവില് വന്നതിനുശേഷം മൂന്നാംവട്ടമാണ് പ്രധാനമന്ത്രി മുഖ്യമന്ത്രിമാരുമായി ചര്ച്ച നടത്തുന്നത്.ഇന്നത്തെ ചര്ച്ചയില് ഒമ്പത് സംസ്ഥാനങ്ങളിലെ മുഖ്യമന്ത്രിമാരായിരിക്കും പ്രധാനമന്ത്രിയുമായി സംസാരിക്കുകയെന്നാണ് സൂചന.
നേരത്തേ നടന്ന ചര്ച്ചകളില് സംസാരിക്കാന് അവസരം ലഭിക്കാതിരുന്ന ബിഹാര്, ഒഡിഷ, ഗുജറാത്ത്, ഹരിയാണ, ഉത്തരാഖണ്ഡ്, ഹിമാചല്പ്രദേശ്, മിസോറം, മണിപ്പൂര് സംസ്ഥാനങ്ങള്ക്കും കേന്ദ്രഭരണ പ്രദേശമായ പുതുച്ചേരിക്കുമായിരിക്കും അവസരം. രോഗവ്യാപനം, പ്രതിരോധ നടപടികള്, തുടങ്ങിയവ മുഖ്യമന്ത്രിമാരുമായി ചര്ച്ച ചെയ്യുമെന്നാണ് സൂചന. സാമ്പത്തിക പാക്കേജ് ഉള്പ്പെടെയുള്ള ആവശ്യങ്ങള് സംസ്ഥാനങ്ങളും ഉന്നയിക്കും.രാജ്യത്തെ 13 നഗരങ്ങളില് രോഗവ്യാപനം ശക്തമാണെന്നാണ് ആരോഗ്യമന്ത്രാലയത്തിന്റെ വിലയിരുത്തല്.
https://www.facebook.com/Malayalivartha
