ഉത്തരാഖണ്ഡിലെ കേദാര്‍നാഥ് ക്ഷേത്രം തുറന്നു. കനത്ത മഞ്ഞ് വീഴ്ചയും ലോക്ക്ഡൗണും സൃഷ്ടിച്ച പ്രതിസന്ധിയെ തുടര്‍ന്ന് ആറ് മാസങ്ങള്‍ക്കു ശേഷം വിശ്വാസികളുടെ സാന്നിധ്യമില്ലാതെയാണ് ക്ഷേത്ര നട തുറന്നത്. മുഖ്യ കാര്‍മികന്‍ ശിവ ശങ്കര്‍ ലിംഗയുടെ കാര്‍മികത്വത്തില്‍ ഇന്നു പുലര്‍ച്ച മൂന്നോടെയാണ് ചടങ്ങുകള്‍ ആരംഭിച്ചത്.

ദേവസ്വംബോര്‍ഡ് പ്രതിനിധിയും 20 പേരും ചടങ്ങില്‍ പങ്കെടുത്തു. പോലീസും സ്ഥലത്ത് എത്തിയിരുന്നു. അതേസമയം, 52 കോവിഡ് കേസുകളാണ് ഉത്തരാഖണ്ഡില്‍ റിപ്പോര്‍ട്ട് ചെയ്തിരിക്കുന്നത്. രോഗമുക്തരായത് 34 പേരാണ്.