സൂം ആപ്പിലൂടെ 3700 ജീവനക്കാരെ പിരിച്ചുവിട്ട് ഊബർ. ആകെ വർക്ക്ഫോഴ്സിന്റെ 14 ശതമാനം ആളുകളെയാണ് ഊബർ പിരിച്ചുവിട്ടത്. ഊബറിന്റെ കസ്റ്റമർ സർവ്വീസ് ഹെഡ് റൂഫിൻ ചവേലുവാണ് വാർത്ത ജീവനക്കാരെ അറിയിച്ചത്.

മൂന്ന് മിനിറ്റു വീഡിയോ കോളിലൂടെയാണ് ഇന്ന് ഊബറിലെ നിങ്ങളുടെ അവസാനത്തെ ജോലി ദിവസമായിരിക്കുമെന്ന് കസ്റ്റമർ സർവ്വീസുമായി ബന്ധപ്പെട്ട മേഖലയിൽ പ്രവർത്തിക്കുന്നവരോട് അവർ അറിയിച്ചത്.

ബിസിനസ് പകുതിയോളമായി ചുരുങ്ങിയെന്നും ഇത്രയധികം കസ്റ്റമർ സപ്പോർട്ട് ജീവനക്കാർക്ക് കൊടുക്കാൻ തൊഴിൽ ഇല്ലെന്നുമാണ് വിഷയത്തിൽ ഊബറിന്റെ വാദം.

മൂൻകൂട്ടി അറിയിപ്പുകളോ മെമ്മോയോ ഇല്ലാതെ ജോലിയിൽ നിന്നും പിരിച്ചുവിട്ട നടപടിക്കെതിരെ നിരവധി ജീവനക്കാർ വിമർശനം ഉന്നയിച്ച് രം​ഗത്ത് എത്തിയിട്ടുണ്ട്.