മുഹമ്മദ് പറഞ്ഞത് സത്യമായി രാമജന്മഭൂമി തന്നെ; അഞ്ചടി ഉള്ള കൂറ്റന് ശിവലിംഗവും വിഗ്രഹങ്ങളും! അയോധ്യ രാമജന്മഭൂമി തന്നെയായിരുന്നു എന്നതിന്റെ നിര്ണായക തെളിവുകള് ലഭിച്ചു
അയോധ്യ രാമജന്മഭൂമി തന്നെയായിരുന്നു എന്നതിന്റെ നിര്ണായക തെളിവുകള് ലഭിച്ചു. അയോധ്യയിലെ രാമജന്മ ഭൂമിയില് ഖനനത്തില് കണ്ടു കിട്ടിയത് നിരവധി തകര്ക്കപ്പെട്ട വിഗ്രഹങ്ങളും അഞ്ചടി ഉയരമുള്ള ശിവലിംഗവും. ഇന്നലെ തര്ക്കഭൂമിയില് നടന്ന ഖനനത്തില്, അഞ്ചടി ഉള്ള കൂറ്റന് ശിവലിംഗം, പകുതി തകര്ത്ത നിലയില് ദേവിദേവന്മാരുടെ വിഗ്രഹങ്ങള്, കരിങ്കല്ലില് കൊത്തിയുണ്ടാക്കിയ ഏഴു തൂണുകള് എന്നിവയാണ് ലഭിച്ചതെന്ന് ശ്രീ രാം ജന്മഭൂമി തീര്ത്ഥ ക്ഷേത്ര ട്രസ്റ്റിന്റെ സെക്യൂരിറ്റി ജനറല് ചമ്പത് റായ് പറഞ്ഞു.
10 ദിവസമായി സ്ഥലത്തെ തറ നിരപ്പാക്കുന്നുവെന്നും അപ്പോഴാണ് അവശിഷ്ടങ്ങളിലെയും മറ്റ് വസ്തുക്കളിലെയും തൂണുകള് കണ്ടെത്തിയതെന്നും അദ്ദേഹം പറഞ്ഞു. ചരിത്രകാരന്മാരുടെ നിഗമനത്തിന് പൂര്ണ്ണ സാക്ഷ്യം നല്കുന്നതാണ് ഇന്നലെ ലഭിച്ച ഈ നൂറ്റാണ്ടുകളായി മണ്മറഞ്ഞു കിടന്നിരുന്ന തെളിവുകള്.കൂറ്റന് രാമക്ഷേത്ര നിര്മാണത്തിന്റെ ഭാഗമായി ആഴത്തില് അടിത്തറ ഉറപ്പിക്കുന്ന ജോലി നടന്നു കൊണ്ടിരിക്കുന്നതിനിടയിലാണ് തെളിവുകള് തൊഴിലാളികള്ക്ക് ലഭിച്ചത്.
2019 നവംബര് 9 നാണ് അയോധ്യ ഭൂമി തര്ക്കക്കേസില് സുപ്രീം കോടതി വിധി പ്രസ്താവിച്ചത്. വിധിയ്ക്കെതിരെ സമര്പ്പിച്ച 18 പുന:പരിശോധന ഹര്ജികളും സുപ്രീം കോടതി ഡിസംബര് 12 ന് തള്ളിയിരുന്നു.തര്ക്ക സ്ഥലത്ത് ക്ഷേത്രം നിര്മിക്കുന്നതിനായി ഒരു ട്രസ്റ്റി ബോര്ഡ് രൂപീകരിക്കുന്നതിന് മൂന്ന് മാസത്തിനുള്ളില് കേന്ദ്രം പദ്ധതി രൂപീകരിക്കണം, മുസ്ലീങ്ങള്ക്ക് പള്ളി പണിയുന്നതിനായി പകരം സ്ഥലം അനുവദിക്കണം, നിര്മോഹി അഖാഡയ്ക്ക് പുരോഹിതാവകാശം നല്കാനാകില്ല. ഇവരുടെ ഹര്ജി നിലനില്ക്കുന്നതല്ല, 2.77 ഏക്കര് തര്ക്ക ഭൂമി മുഴുവന് ക്ഷേത്ര നിര്മാണത്തിനായി വിട്ടു നല്കണം, അഞ്ച് ഏക്കര് വരുന്ന അനുയോജ്യമായ പകരം സ്ഥലം പള്ളി സ്ഥാപിക്കുന്നതിന് നല്കണം.
സുന്നി വഖഫ് ബോര്ഡിനാണ് ഈ ഭൂമി നല്കേണ്ടത്, തര്ക്കഭൂമി മൂന്നായി വിഭജിക്കണമെന്ന 2010 ലെ അലഹബാദ് ഹൈക്കോടതി വിധി തെറ്റാണ്, ഷിയ വഖഫ് ബോര്ഡിന്റെ വാദങ്ങള് അംഗീകരിക്കാനാകില്ല, ബാബ്റി മസ്ജിദ് നിര്മിച്ചത് ഒഴിഞ്ഞ സ്ഥലത്തല്ല മറിച്ച് ഒരു നിര്മിതിക്ക് മുകളിലാണെന്ന് പുരാവസ്തു തെളിവുകള് പറയുന്നു. എന്നാല് പള്ളി പണിയുന്നതിനായി ഒരു ഹിന്ദു ക്ഷേത്രം പൊളിച്ചു മാറ്റിയോ എന്ന് കണ്ടെത്താനായിട്ടില്ല എന്നിവയാണ് അയോധ്യ കേസില് സുപ്രീം കോടതി വിധിയിലെ പ്രധാന കാര്യങ്ങള്. എന്നാല്, അയോധ്യയിലെ തര്ക്കമന്ദിര സ്ഥാനത്ത് വലിയ ക്ഷേത്രം നിലനിന്നിരുന്നെന്നും അതിനു ശാസ്ത്രീയ തെളിവുകളുണ്ടെന്നും പുരാവസ്തു ഗവേഷകനും മലയാളിയുമായ കെ.കെ. മുഹമ്മദ് നേരത്തേ വ്യക്തമാക്കിയിരുന്നു. ആര്ക്കിയോളജിക്കല് സര്വേ ഓഫ് ഇന്ത്യ നോര്ത്ത് മുന് റീജ്യനല് ഡയറക്റ്റര് കൂടിയാണ് അദ്ദേഹം. 1976-77 കാലഘട്ടത്തില് അയോധ്യയില് ആദ്യത്തെ ഖനനം നടത്തിയ പുരാവസ്തു ഗവേഷകരുടെ സംഘത്തില് അംഗം കൂടിയായിരുന്നു മുഹമ്മദ്.
https://www.facebook.com/Malayalivartha
