സ്വന്തമായി മാസ്‌ക് നിര്‍മ്മാണ കമ്ബനി ഉണ്ടെന്ന് വിശ്വസിപ്പിച്ച് പണം തട്ടിയെടുക്കല്‍; ഓണ്‍ ലൈനിലൂടെ നഷ്ടമായത് ലക്ഷങ്ങള്‍
ഓണ്‍ ലൈനിലൂടെ എന്‍ 95 മാസ്‌കുകള്‍ വാങ്ങാന്‍ ശ്രമിച്ച വ്യാപാരികള്‍ക്ക് നഷ്ടമായത് ലക്ഷങ്ങള്‍. ഓണ്‍ ലൈനിലൂടെ കണ്ട പരസ്യത്തിലെ ലിങ്കില്‍ ക്‌ളിക്ക് ചെയ്ത് എന്‍ 95 മാസ്‌ക് വാങ്ങാന്‍ ശ്രമിച്ചതാണ് 35 വയസ്സുകാരനായ വ്യവസായിക്ക് 2.93 ലക്ഷം രൂപയാണ് നഷ്ടമായത്. മുംബയിലെ ബോറിവാലിയിലെ ആ വ്യാപാരി തുടര്‍ന്ന് എം.എച്ച്.ബി കോളനി പൊലീസില്‍ പരാതി നല്‍കി.മുന്‍പ് എന്‍ 95 മാസ്‌കും പി.പി.ഇ കിറ്റും വാങ്ങാനുള്ള ശ്രമത്തിനിടെ മറ്റൊരു വ്യാപാരിക്ക് 12.29 ലക്ഷം രൂപയാണ് നഷ്ടമായത്. സോഷ്യല്‍ മീഡിയയില്‍ വന്ന ലിങ്കില്‍ നിന്നും രണ്ട് ലക്ഷം മാസ്‌കുകള്‍ക്കാണ് വ്യാപാരി ഓര്‍ഡര്‍ നല്‍കിയത്. 'പണം തട്ടിയെടുത്ത പ്രതിയുടെ അക്കൗണ്ട് മരവിപ്പിച്ചിട്ടുണ്ട്. നഷ്ടമായ പണം തിരികെയെടുക്കാനുള്ള ശ്രമത്തിലാണ്.' പൊലീസ് പറയുന്നു. തനിക്ക് സ്വന്തമായി മാസ്‌ക് നിര്‍മ്മാണ കമ്ബനി ഉണ്ടെന്ന് വിശ്വസിപ്പിച്ച പ്രതി തന്റെ പക്കല്‍ ഒരു ലക്ഷം മാസ്‌കുകളാണ് ഇപ്പോഴുള്ളതെന്നും വിശ്വാസ്യതക്കായി ലോറിയില്‍ മാസ്‌കുകള്‍ നിറക്കുന്ന ഒരു വീഡിയോയും അയച്ചുകൊടുത്തു. തുടര്‍ന്ന് അഡ്വാന്‍സായി 2.93 ലക്ഷം രൂപ വ്യാപാരി ഇയാള്‍ക്ക് നല്‍കി. എന്നാല്‍ പിന്നീട് വിവരമൊന്നുമില്ലാതെയായതോടെയാണ് പൊലീസില്‍ പരാതിപ്പെട്ടത്.
https://www.facebook.com/Malayalivartha
