കോവിഡ് ബാധിതരുടെ എണ്ണത്തിൽ വൻ വർദ്ധനവ് ; രാജ്യത്ത് അഞ്ചാം ഘട്ട ലോക്ക് ഡൗണിനുള്ള സാധ്യത ഏറുന്നു; പ്രധാനമന്ത്രിയും മുഖ്യമന്ത്രിമാരും തമ്മിലുള്ള കൂടിക്കാഴ്ചയ്ക്കു ശേഷമാകും തീരുമാനം
രാജ്യത്ത് ലോക്ക് ഡൗൺ അവസാനിക്കാൻ ഒരാഴ്ച്ച മാത്രം ബാക്കിനിൽക്കവേ കോവിഡ് ബാധിതരുടെ എണ്ണത്തിൽ വൻ വര്ധനവാണുണ്ടായിരിക്കുന്നത് .വരും ദിവസങ്ങൾ അതിനിർണായകമാകയാൽ ഇനിയൊരു ലോക്ക് ഡൌൺ ജനങ്ങളിൽ ഏൽപ്പിക്കുന്ന ഭാരം താങ്ങാവുന്നതിലും അപ്പുറം തന്നെയാണ് .
രാജ്യത്തു കോവിഡ് രോഗികൾ ദിവസേന വർധിച്ചു വരുന്ന സാഹചര്യം നിലനിൽക്കെ ഇളവുകൾ നൽകുമ്പോൾ വൈറസിന്റെ സമൂഹവ്യാപനം ഉണ്ടാകുമെന്നതിൽ സംശയമില്ല .കർശന നിയന്ത്രണങ്ങൾ
ഉണ്ടായിട്ടു പോലും ഒന്നരലക്ഷത്തിലേക്ക് രോഗികളുടെ എണ്ണം എത്തിനിൽക്കുമ്പോൾ അവയെല്ലാം മാറ്റുമ്പോൾ ഉണ്ടാകുന്ന സാഹചര്യം കണക്കൂകൂട്ടുക അസാധ്യം തന്നെയാണ് .രണ്ടു മാസത്തിലധികമായി നീണ്ടു നിൽക്കുന്ന ലോക്ക് ഡൗൺ സമസ്തമേഖലയെയും സ്തംഭിപ്പിക്കുകയും ആഭ്യന്തര വളർച്ച നെഗറ്റിവിലേക്ക് നീങ്ങുന്ന സാഹചര്യം സൃഷ്ടിക്കുകയും ചെയ്തുവെങ്കിലും രോഗികളും മരണനിരക്കും
താരതമ്യേന കുറവാണ് എന്നത് ആശ്വാസം പകരുന്ന തന്നെയാണ് .ഇന്ത്യയിൽ കോവിഡ് മരണം നാലായിരം
കടന്ന സാഹചര്യത്തിൽ ലോക്ക് ഡൗൺ നീട്ടുമോ ഇല്ലയോ എന്നത് സാംസ്ഥാനങ്ങളുമായി കൂടിയാലോചിച്ച് കേന്ദ്രം അന്തിമതീരുമാനം എടുക്കാനാണ് സാധ്യത .അതേസമയം കോവിഡ് ബാധിതരുടെ എണ്ണം മഹാരാഷ്ട്രയിൽ കുതിച്ചുയരുന്നു എന്നത് ഏറെ ആശങ്ക തന്നെയാണ് . ഞായറാഴ്ച മാത്രം 3041 കേസുകളാണ് റിപ്പോർട്ട് ചെയ്തത്. ഇതോടെ രോഗികളുടെ എണ്ണം അമ്പതിനായിരം കടന്നു. 58 പേർ ഞായറാഴ്ച മാത്രം മരിച്ചു. ഇതുവരെ 50,231 പേർക്കാണ് രോഗം സ്ഥിരീകരിച്ചത്. 33,996 പേർ ചികിത്സയിലുണ്ട്. എന്നാൽ 14,600 പേർ രോഗമുക്തരായി എന്നത് എടുത്ത് പറയേണ്ട കാര്യമാണ് . രാജ്യത്തുള്ള മൊത്തം കോവിഡ് മരണത്തിന്റെ നാല്പതു ശതമാനത്തിലധികവും മഹാരാഷ്ട്രയിൽ നിന്ന് തന്നെയാണുള്ളത് ഞായാറാഴ്ച ഉണ്ടായ മരണം കൂടി കണക്കിലെടുക്കുമ്പോൾ മൊത്തം 1635 പേരാണ് മരണമടഞ്ഞത് .
രോഗം നിയന്ത്രണവിേധയമാക്കാൻ സാധിക്കാത്തതിനാൽ മേയ് 31 ശേഷവും ലോക്ഡൗൺ നീട്ടേണ്ടി വരുമെന്ന് മുഖ്യമന്ത്രി ഉദ്ദവ് താക്കറെ സൂചിപ്പിച്ചു. രാജ്യത്ത് തുടർച്ചയായി അഞ്ചാം ദിവസവും ആറായിരത്തിലധികം കോവിഡ് കേസുകൾ റിപ്പോർട്ട് ചെയ്തു.ഇത് സമീപകാലത്തുണ്ടാകുന്ന ഏറ്റവും വലിയ വർധനവാണ് . ഞായറാഴ്ച 6575 പേർക്കാണ് രോഗം സ്ഥിരീകരിച്ചത്. രാജ്യത്ത് ആകെ മരണം 4014 ആയി ഉയർന്നതിനാൽ രോഗബാധിത മേഖലകളിൽ ലോക്ക് ഡൗൺ അനിശ്ചിതകാലത്തേക്ക് നീട്ടാനാണ് സാധ്യത . നിലവിൽ 57,429 പേർ രോഗമുക്തരായിക്കഴിഞ്ഞിരിക്കുകയാണ് . എന്നാൽ നാളിതുവരെയായി 1,38,041 പേർക്കാണ് രോഗം സ്ഥിരീകരിച്ചത്. നിലവിൽ ലോക്ക് ഡൌൺ പ്രഖ്യാപിച്ചലും അത് മേഖലകൾ തരാം തിരിച്ച് ഇളവുകളോടെയായിരിക്കാനാണ് കൂടുതൽ സാധ്യത .എന്നാൽ അത് ഏതൊക്ക വിധത്തിലാകും നടപ്പാക്കുക എന്നതിൽ ഉള്ള ആശയക്കുഴപ്പമാണുള്ളത് .മഹാരാഷ്ട്രയ്ക്കു പുറമെ മറ്റു സംസ്ഥാനങ്ങളും ലോക്ക് ഡൌൺ നീട്ടണമെന്ന ആവശ്യം ഉന്നയിച്ചാൽ കൂടുതൽ ഇളവുകളോടെ അഞ്ചാം ഘട്ട ലോക്ക് ഡൗൺ ഉണ്ടാകും
എന്നത് വ്യക്തമാണ്
https://www.facebook.com/Malayalivartha