ലോക്ക് ഡൌൺ വലച്ചു... ഓൺലൈൻ ലൈവ് വീഡിയോ ചാറ്റിലൂടെ ഉപജീവനം തേടി തമിഴ്നാട്ടിലെ ലൈംഗിക തൊഴിലാളികൾ...
കൊവിഡ് 19 ലോകത്തെ ആകെ വരിഞ്ഞുമുറുക്കിയിരിക്കുകയാണ് .. ഒരുവിധം എല്ലാ മേഖലകളിലും തൊഴിലില്ലായ്മ വേരോടിക്കഴിഞ്ഞു. പല സ്ഥാപനങ്ങളും തങ്ങളുടെ ജീവനക്കാരെ പിരിച്ചുവിടുകയാണ്. ഇതിനിടയിൽ അത്രയൊന്നും ചർച്ച ചെയ്യപ്പെടാത്ത ഒരു വർഗ്ഗമുണ്ട് . ലൈംഗിക തൊഴിലാളികൾ ...ലോക്ക് ഡൌൺ തുടങ്ങിയതോടെ അവരും വലിയ പ്രതിസന്ധിയിലാണ്.
തൊഴിലെടുക്കാൻ സാധിക്കാത്തതിനാൽ വരുമാനമില്ല. ജീവിക്കാനുള്ള പണം കണ്ടെത്താൻ മറ്റെന്ത് തൊഴിലെടുക്കണമെന്നും ഇവർക്കറിയില്ല. കഴിഞ്ഞ മൂന്ന് മാസമായി ലോക്ക് ഡൗൺ കാരണം പുറത്തിറങ്ങാൻ സാധിക്കാതെ വിഷമിക്കുന്ന ഇവരിൽ ചിലർ ജീവനോപാധി കണ്ടെത്താൻ ഓൺലൈൻ തൊഴിലിന് ഇറങ്ങിപ്പുറപ്പെട്ടിരിക്കുകയാണ് . വീഡിയോ കോളും സെക്സ് ചാറ്റുമൊക്കെ ഓൺലൈനായി ചെയ്ത് പണം കണ്ടെത്തുകയാണ് ലൈംഗിക തൊഴിലാളികൾ.
തമിഴ്നാട്ടിലെ ഒരു കൂട്ടം ലൈംഗിക തൊഴിലാളികൾ ആണ് ഓൺലൈനായി വീഡിയോ കോളും സെക്സ് ചാറ്റും തുടങ്ങിയിട്ടുള്ളത് ..
ഗൂഗിൾ പേയിലൂടെയോ മറ്റ് ഓൺലൈൻ വഴികളിലൂടെയോ പണം സ്വീകരിക്കും. "കൊവിഡ് കാലം തുടങ്ങിയത് മുതൽ ഒരു പൈസ പോലും ഉണ്ടാക്കാൻ സാധിച്ചിട്ടില്ല. ഭക്ഷണം പോലും കഴിക്കാതെ എങ്ങനെയാണ് ജീവിക്കുക," ലൈംഗിക തൊഴിലാളികളിൽ ഒരാൾ പ്രമുഖ മാധ്യമത്തോട് പറഞ്ഞു. സുഹൃത്ത് ഇങ്ങനെയാണ് ജോലി ചെയ്യുന്നതെന്ന് അറിഞ്ഞു. അതോടെയാണ് ആവശ്യക്കാർക്ക് വീഡിയോ കോൾ ചെയ്ത് തുടങ്ങിയതെന്നും അവർ പറയുന്നു.
കഴിഞ്ഞ രണ്ട് മാസമായി ജോലിയൊന്നുമില്ലാതെ വീട്ടിലാണ്. കുട്ടികൾ ഉറങ്ങിയതിനുശേഷം മേക്കപ്പിട്ട് ടെറസിലേക്ക് പോകും. ഇടപാടുകാരുമായി വീഡിയോ കോളുകൾ ചെയ്യും. ശേഷം അവർ കുറച്ച് പണം തരും.'' - ചെന്നെെയിൽ നിന്നുള്ള 35 കാരിയായ ലൈംഗികത്തൊഴിലാളി പറയുന്നു
ഓൺലൈനിലൂടെയുള്ള ഇടപാടുകളിൽ നിന്ന് വരുമാനം കുറവാണെങ്കിലും ഒന്നും കിട്ടാത്തതിനെക്കാൾ ഭേദമല്ലേ എന്നാണു ഇവർ ചോദിക്കുന്നത് ഇ - വാലറ്റുകളിലൂടെയാണ് ഇവർ പണം സ്വീകരിക്കുന്നതത്രെ. . ഗൂഗിൾ പേ, ഫോൺ പേ, പേടിഎം എന്നീ വഴികളിലൂടെയെല്ലാം പണം സ്വീകരിക്കും. മൊബൈലിൽ ഇൻറർനെറ്റിനും മറ്റുമുള്ള റീ ചാർജ്ജും ചിലപ്പോൾ ഇടപാടുകർ തന്നെ ചെയ്ത് കൊടുക്കേണ്ടി വരും
മുംബൈ കാമാത്തിപ്പുരയിലെ തൊഴിലാളികളും തങ്ങളുടെയും കുടുംബത്തിന്റെയും ദൈനംദിന ആവശ്യങ്ങൾക്കു വേണ്ടിയുള്ള തുക കണ്ടെത്താൻ കഴിയാതെ ബുദ്ധിമുട്ടിലായിരിക്കുകയാണ് എന്ന റിപ്പോർട്ടുകൾ ഉണ്ടായിരുന്നു..
തങ്ങൾക്ക് യാതൊരുവിധ റേഷനും ലഭിക്കുന്നില്ലെന്നും എൻ ജി ഒ നൽകുന്ന ഭക്ഷണം മാത്രമാണ് ഏക ആശ്രയമെന്നും ഒരു ലൈംഗിക തൊഴിലാളി പറഞ്ഞതായി എ എൻ ഐയും റിപ്പോർട്ട് ചെയ്തിരുന്നു
https://www.facebook.com/Malayalivartha