മൂന്നാം മുന്നണിയെന്ന സാധ്യത തള്ളിക്കളയാന് സാധിക്കില്ലെന്ന് നിതീഷ് കുമാര്
രാജ്യത്ത് മൂന്നാം മുന്നണിയെന്ന സാധ്യത തള്ളിക്കളയാന് സാധിക്കില്ലെന്ന് ജനതാദള്(യു) നേതാവ് നിതീഷ് കുമാര്. തൃണമൂല് നേതാവ് മമത ബാനര്ജി, ഒഡീഷ മുഖ്യമന്ത്രി നവീന് പട്നായിക്, എന്നിവരുമായി ചേര്ന്ന് മറ്റൊരു മുന്നണിക്ക് രൂപം നല്കാനുള്ള ചര്ച്ചകള് നടക്കുകയാണ്.
നരേന്ദ്രമോഡിയെ ബിജെപിയുടെ തെരഞ്ഞെടുപ്പ് പ്രചാരണ സമിതി അധ്യക്ഷനാക്കിയതില് വിയോജിച്ച് എന്.ഡി.എ വിടുമെന്ന് നിതീഷ് കുമാര് അറിയിച്ചിരുന്നു. ബിഹാറിന് പ്രത്യേക പദവി അനുവദിക്കുകയാണെങ്കില് കോണ്ഗ്രസുമായി സഖ്യത്തിന് തുറന്ന മനസാണുള്ളതെന്നും ഭാവിയില് ഇതിനുള്ള സാധ്യത തള്ളിക്കളയാനാകില്ലെന്നും അദ്ദേഹം കൂട്ടിച്ചേര്ത്തു.
മമത ബാനര്ജിയുമായി താന് ഫോണില് സംസാരിച്ചിരുന്നു. ബിഹാര്, ജാര്ഖണ്ഡ്, ഒഡീഷ, പശ്ചിമബംഗാള് തുടങ്ങിയ സംസ്ഥാനങ്ങള് സമാനമായ പ്രശ്നങ്ങള് അനുഭവിക്കുന്നുണ്ടെന്നും പ്രാദേശിക പാര്ട്ടികളുടെ സഹായത്തോടെ ഒരുമിച്ച് പരിഹാരം കാണേണ്ട വിഷയമാണിതെന്നുമായിരുന്നു മമതയുടെ പ്രതികരണമെന്നും നിതീഷ് പറഞ്ഞു. മമതയുടെ അഭിപ്രായത്തോട് താന് യോജിക്കുന്നതായും പരസ്പരം മനസിലാക്കാന് കഴിയുമെങ്കില് പ്രാദേശിക പാര്ട്ടികള്ക്ക് പുതിയ മുന്നണി രൂപീകരിച്ച് കേന്ദ്രത്തില് അധികാരത്തിലെത്താവുന്നതാണെന്നും നിതീഷ് പറഞ്ഞു.
https://www.facebook.com/Malayalivartha