ബിജെപി വനിതാ നേതാവ് സര്ക്കാര് ഉദ്യോഗസ്ഥനെ ചെരുപ്പൂരി അടിക്കുന്നതിന്റെ ദൃശ്യങ്ങള് പുറത്ത്
ബിജെപി നേതാവും ടിക് ടോക് താരവുമായ സൊനാലി ഫോഗട്ട് കര്ഷക മാര്ക്കറ്റ് സന്ദര്ശനത്തിനിടെ ഉദ്യോഗസ്ഥനെ ചെരിപ്പൂരി അടിച്ചു.
മാര്ക്കറ്റിനേക്കുറിച്ച് കര്ഷകര് നല്കിയ പരാതി ചോദ്യം ചെയ്യുന്നതിനിടയില് ഉദ്യോഗസ്ഥന് നടത്തിയ പരാമര്ശമാണ് സൊനാലിയെ പ്രകോപിപ്പിച്ചത്. സുല്ത്താന് സിങ് എന്ന മാര്ക്കറ്റ് കമ്മിറ്റി അംഗത്തെ നിരവധി തവണ ചെരിപ്പുകൊണ്ട് മര്ദ്ദിക്കുന്ന ദൃശ്യങ്ങള് സമൂഹമാധ്യമങ്ങളില് വൈറലായി.
മര്ദ്ദനത്തിനിടെ പരാതിയിലെ പ്രശ്നങ്ങള്ക്ക് പരിഹാരം കണ്ടെത്താനുള്ള അധികാരം തനിക്കല്ലെന്ന് പറഞ്ഞ് സൊനാലിയോട് സുല്ത്താന് സിങ് അപേക്ഷിക്കുന്നതും ദൃശ്യങ്ങളില് വ്യക്തം. പരാമര്ശത്തിന് ഉദ്യോഗസ്ഥന് ക്ഷമാപണം നടത്തിയതോടെ പൊലീസ് കേസ് വേണ്ടെന്ന നിലപാടിലാണ് സൊനാലിയുള്ളത്. വെള്ളിയാഴ്ചയാണ് വിവാദമായ സംഭവം നടക്കുന്നത്. സൊനാലിക്കെതിരെ നടപടിയെടുക്കണമെന്ന് കോണ്ഗ്രസ് വക്താവ് രണ്ദീപ് സിംഗ് സുര്ജെവാല ആവശ്യപ്പെട്ടു.
കോണ്ഗ്രസ് കോട്ടയായ ആദംപൂര് പിടിക്കാനാണ് ടിക് ടോകില് മാത്രം ഒന്നരലക്ഷത്തിലധികം ഫോളോവേഴ്സുള്ള സൊനാലിയെ ഇറക്കിയത്. എന്നാല് ബിജെപിയുടെ കണക്കുകൂട്ടല് തെറ്റി. നിയമസഭ തെരഞ്ഞെടുപ്പില് വന് തിരിച്ചടിയാണ് ബിജെപി നേരിട്ടത്. രണ്ട് വര്ഷം മുന്പാണ് സൊനാലി ബിജെപിയില് ചേര്ന്നത്. വൈകാതെ സൊനാലി പാര്ട്ടിയുടെ വനിതാ സെല് വൈസ് പ്രസിഡന്റായി തിരഞ്ഞെടുക്കപ്പെടുകയും ചെയ്തു. കഴിഞ്ഞ 12 വര്ഷമായി ബിജെപിയില് പ്രവര്ത്തിക്കുന്നതിനാലാണ് തന്നെ സ്ഥാനാര്ത്ഥിയാക്കി പ്രഖ്യാപിച്ചതെന്നായിരുന്നു സൊനാലിയുടെ വിശദീകരണം.
https://www.facebook.com/Malayalivartha