ഒരു മാസത്തോളമായി പുകയുന്ന അതിര്ത്തി തര്ക്കത്തിന് പരിഹാരം തേടിയുളള ഇന്ത്യ-ചൈന സൈനികതല ചര്ച്ച അവസാനിച്ചു..അതിര്ത്തിയില് നിലവിലെ അവസ്ഥ തന്നെ തുടരണം
ഒരു മാസത്തോളമായി പുകയുന്ന അതിര്ത്തി തര്ക്കത്തിന് പരിഹാരം തേടിയുളള ഇന്ത്യ-ചൈന സൈനികതല ചര്ച്ച അവസാനിച്ചു. നാല് മണിക്കൂറോളം നീണ്ട ചര്ച്ചയാണ് ഇപ്പോൾ അവസാനിച്ചിരിക്കുന്നത്. ചര്ച്ചയ്ക്ക് ശേഷം ലഫ്റ്റനന്റ് ജനറല് ഹരീന്ദര് സിംഗും സംഘവും ലേയിലേക്ക് തിരിച്ചു. ഷുഷുല് മോള്ഡോ അതിര്ത്തിയിലെ ബോര്ഡര് പോയിന്റില് വെച്ചാണ് ചര്ച്ച നടത്തിയത്
അതിര്ത്തിയില് നിലവിലെ അവസ്ഥ തന്നെ തുടരണം എന്നാണ് ഇരുരാജ്യങ്ങളുടേയും സേനാ കമാന്ഡര്മാര് തമ്മില് നടത്തിയ നിര്ണായക ചര്ച്ചയില് തീരുമാനമായിരിക്കുന്നത്.
പ്രാദേശിക സൈനിക മേധാവിമാര് തമ്മില് പലതവണകളായി നടത്തിയ ചര്ച്ചകള് ഫലം കാണാത്തതിന്റെ പശ്ചാത്തലത്തിലാണ് സൈനിക തല ചര്ച്ച നടത്താന് ഇരു രാജ്യങ്ങളും തമ്മില് തീരുമാനിച്ചത്. ലഫ്റ്റനന്റ് ജനറല് ഹരീന്ദര് സിംഗിന്റെ നേതൃത്വത്തില് 14 സൈനികരാണ് ചര്ച്ചയില് ഇന്ത്യയെ പ്രതിനിധീകരിച്ചത്.
ഇന്നത്തേത് അതിര്ത്തി തര്ക്കവുമായി ബന്ധപ്പെട്ട് ഇരുരാജ്യങ്ങളുടേയും അവസാന ചര്ച്ചയല്ല. വരും ദിവസങ്ങളിലും ചര്ച്ചകള് നടത്തി വിഷയം സമാധാനപരമായി പരിഹരിക്കാനാണ് ഇരുരാജ്യങ്ങളും താല്പര്യപ്പെടുന്നത്. ഇന്ത്യയുടേയും ചൈനയുടേയും സൈന്യം അതിര്ത്തിയില് ഒരു മാസത്തോളമായി മുഖാമുഖം നില്ക്കുകയാണ്.
ഇന്നത്തെ ഉന്നതതല ചര്ച്ചകള്ക്ക് ശേഷം അതിര്ത്തിയില് ഇരുസൈന്യവും തമ്മിലുളള സംഘര്ഷം അവസാനിപ്പിക്കാന് ധാരണയായിട്ടുണ്ട്. വന് സേനാ വിന്യാസമാണ് കഴിഞ്ഞ കുറച്ച് നാളുകളായി ലഡാക്കില് അടക്കം ചൈന നടത്തിയിരിക്കുന്നത്. ഈ സൈന്യത്തെ പിന്വലിക്കണം എന്നാണ് ചര്ച്ചയില് ഇന്ത്യ ശക്തമായി ഉയര്ത്തിയ ആവശ്യം .
അതേസമയം അതിര്ത്തി പ്രദേശത്ത് ഇന്ത്യ നടത്തുന്ന നിര്മ്മാണ പ്രവര്ത്തനങ്ങള് അവസാനിപ്പിക്കണം എന്ന ആവശ്യം ചൈനയും മുന്നോട്ട് വെച്ചു. മാനസസരോവര് തീര്ത്ഥാടകര്ക്ക് വേണ്ടിയാണ് ഇന്ത്യ ലഡാക്കില് ചില അടിസ്ഥാന നിര്മ്മാണ പ്രവര്ത്തനങ്ങള് നടത്താന് ആരംഭിച്ചത്. ഇതാണ് ചൈനയെ ഏറ്റവും ഒടുവില് പ്രകോപിപ്പിച്ചതും അതിര്ത്തിയിലെ സംഘര്ഷത്തിലേക്ക് നയിച്ചതും.
അതേസമയം ഇരുരാജ്യങ്ങളും പരസ്പരം ഉന്നയിച്ച ആവശ്യങ്ങള്ക്ക് ഇന്നത്തെ ചര്ച്ചയില് തീരുമാനം ആയിട്ടില്ല. ഇനിയുളള ദിവസങ്ങളില് നടക്കുന്ന തുടര് ചര്ച്ചകളില് ഇക്കാര്യങ്ങളില് അന്തിമ തീരുമാനം ഉണ്ടായേക്കും. ചൈനയുടെ ഭാഗമായ ചുസുള്-മോള്േദായില് വെച്ചാണ് ചര്ച്ച നടന്നത്. ഇന്നത്തെ ചര്ച്ച പൂര്ത്തിയായ സാഹചര്യത്തില് ഇന്ത്യന് സൈനിക മേധാവികള് തിരിച്ച് ലേയിലേക്ക് മടങ്ങിയിരിക്കുകയാണ്.
ലഫ്. ജനറൽ ഹരീന്ദർ സിങ് ആണ് ഇന്ത്യയെ പ്രതിനിധീകരിച്ചത്. കശ്മീരിലെ ലേ ആസ്ഥാനമായ14 കോർ (ഫയർ ആൻഡ് ഫ്യൂറി കോർ) മേധാവിയാണു ഹരീന്ദർ. കശ്മീരിലെ ഭീകരവിരുദ്ധ പോരാട്ടങ്ങളിൽ സേനയെ നയിച്ചിട്ടുള്ള അദ്ദേഹം കഴിഞ്ഞ ഒക്ടോബറിലാണു 14 കോറിന്റെ നേതൃത്വം ഏറ്റെടുത്തത്. മിലിറ്ററി ഇന്റലിജൻസ്, മിലിറ്ററി ഓപ്പറേഷൻസ് എന്നിവയുടെ ഡയറക്ടർ ജനറൽ ആയിരുന്നു.
ചൈനയ്ക്കായി ദക്ഷിണ ഷിൻ ജിയാങ് മേഖലയിലെ മേജർ ജനറൽ ലിയു ലിന്നും ചർച്ചയ്ക്കെത്തി. കിഴക്കൻ ലഡാക്കിൽനിന്ന് ചൈനീസ് സേന പിന്മാറണമെന്നും മുൻ സ്ഥിതി തുടരണമെന്നുമാണ് ചർച്ചയിൽ ഇന്ത്യ മുന്നോട്ടുവച്ച ആവശ്യം. യഥാർഥ നിയന്ത്രണരേഖയ്ക്കും സിക്കിമിലും ഇന്ത്യ ദിവസേന നടത്തിയിരുന്ന പട്രോളിങ് ചൈന തടയുന്ന സ്ഥിതിവിശേഷമുണ്ട്. ഇതിൽ മാറ്റം വരുത്തണമെന്നും ഇന്ത്യ ആവശ്യപ്പെട്ടു. മേയ് ഒന്നാംവാരം സംഘർഷം ആരംഭിച്ചശേഷം ആദ്യമായാണ് ഇരുരാജ്യങ്ങളുടെയും ഉന്നത സേനാ കമാൻഡർമാർ കൂടിക്കാഴ്ച നടത്തുന്നത്.
.
https://www.facebook.com/Malayalivartha
