കോവിഡിന് പിന്നാലെ വന്‍ ഭൂകമ്പ സാധ്യത... ഡല്‍ഹി-എസി.ആര്‍. മേഖലയില്‍ അടുത്തുതന്നെ വന്‍ ഭൂകമ്പത്തിനു സാധ്യതയെന്ന് ധാന്‍ബാദ് ഐ.ഐ.ടി.യിലെ വിദഗ്ധരുടെ മുന്നറിയിപ്പ്... ഞെട്ടിവിറച്ച് തലസ്ഥാനം
ഡല്‍ഹിയിലെ ആശുപത്രികളിലെ കോവിഡ് ചികിത്സ ഡല്‍ഹിക്കാര്‍ക്ക് മാത്രമായി പരിമിതപ്പെടുത്തണമെന്ന് ശുപാര്‍ശ. ഡല്‍ഹി സര്‍ക്കാര്‍ നിയോഗിച്ച സമിതിയുടേതാണ് ശുപാര്‍ശ. മറ്റ് സംസ്ഥാനങ്ങളില്‍ നിന്നുള്ളവര്‍ക്ക് കൂടി ചികിത്സ നല്‍കിയാല്‍ ഡല്‍ഹിയെ ആശുപത്രികളില്‍ തിരക്ക് കൂടുമെന്നാണ് സമിതി നിരീക്ഷിക്കുന്നത്.
ഇത്തരത്തില്‍ വിവിധ രീതിയില്‍ കൊറോണയെ തുരത്തുമ്പോള്‍ അക്ഷരാര്‍ത്ഥത്തില്‍ തലസ്ഥാനം നിന്ന് കത്തുകയാണ് ഇപ്പോഴിതാ ഡല്‍ഹി-എസി.ആര്‍. മേഖലയില്‍ അടുത്തുതന്നെ വന്‍ ഭൂകമ്പത്തിനു സാധ്യതയെന്ന് ധാന്‍ബാദ് ഐ.ഐ.ടി.യിലെ വിദഗ്ധരുടെ മുന്നറിയിപ്പ്. ഭൂകമ്പ പ്രതിരോധ നടപടികള്‍ സ്വീകരിക്കണമെന്നും ജനങ്ങളെ ബോധവത്കരിക്കണമെന്നും കേന്ദ്ര, സംസ്ഥാന സര്‍ക്കാരുകളോട് അവര്‍ ആവശ്യപ്പെട്ടു.
വരുംദിവസങ്ങളില്‍ ഡല്‍ഹി-എന്‍.സി.ആര്‍. മേഖലയില്‍ വന്‍ ഭൂകമ്പമുണ്ടാകുമെന്നാണ് ഐ.ഐ.ടി.യിലെ അപ്ലൈഡ് ജിയോഫിസിക്‌സ്, സീസ്മോളജി വകുപ്പുകള്‍ പറയുന്നത്. രണ്ടു മാസത്തിനിടയില്‍ ഡല്‍ഹി-എന്‍.സി.ആര്‍. മേഖലയില്‍ 11 തവണയാണ് ഭൂചലനമുണ്ടായത്. കേന്ദ്ര, സംസ്ഥാനസര്‍ക്കാരുകള്‍ ഭൂകമ്പ പ്രതിരോധനടപടികള്‍ സ്വീകരിക്കാനും ജനങ്ങളെ ബോധവത്കരിക്കാനുമുള്ള സമയം അതിക്രമിച്ചതായി ഐ.ഐ.ടി. സീസ്മോളജി വകുപ്പ് മേധാവിയും അപ്ലൈഡ് ജിയോ ഫിസിക്‌സ് പ്രൊഫസറുമായ പി.കെ. ഖാന്‍ പറഞ്ഞു. സമീപകാലത്ത് തുടര്‍ച്ചയായുണ്ടായ ചെറുഭൂചലനങ്ങള്‍ വലുതിന്റെ സൂചനയാണു നല്‍കുന്നതെന്നും ഖാന്‍ പറഞ്ഞു.
എന്തായാലും രാജ്യ തലസ്ഥാനത്തെ കോവിഡ് ബാധിതരുടെ എണ്ണം 25,000 കടന്നതോടെ ആശുപത്രികളിലെ കിടത്തി ചികിത്സ പ്രതിസന്ധിയിലാണ്. ഇതിന് പിന്നാലെയാണ് സര്‍ക്കാര്‍ നിയോഗിച്ച അഞ്ചംഗ ഡോക്ടര്‍മാരുടടെ സമിതി ഇത്തരമൊരു ശുപാര്‍ശ നല്‍കിയിരിക്കുന്നത്.
ഇതര സംസ്ഥാനങ്ങളില്‍ നിന്നുള്ളവര്‍ക്ക് ഡല്‍ഹിയില്‍ കിടത്തി ചികിത്സ നല്‍കിയാല്‍ ആശുപത്രികള്‍ നിറയുന്ന സാഹചര്യമുണ്ടാകും. ഇങ്ങനെ വന്നാല്‍ ഡല്‍ഹിക്കാര്‍ക്ക് പോലും ചികിത്സ നല്‍കാന്‍ സാധിക്കാതെ പോകുമെന്നാണ് സമിതി പറയുന്നത്. ഇക്കാര്യത്തില്‍ സംസ്ഥാന സര്‍ക്കാരാണ് ഇനി അന്തിമ തീരുമാനം എടുക്കേണ്ടത്.
"
https://www.facebook.com/Malayalivartha
