ജമ്മുകാശ്മീരിലെ ഷോപ്പിയാനില്‍ സുരക്ഷാസേനയും ഭീകരരും തമ്മില്‍ ഏറ്റുമുട്ടല്‍. ഷോപ്പിയാനിലെ റംമ്പാന്‍ മേഖലയിലാണ് ഏറ്റുമുട്ടല്‍. ഞായറാഴ്ച രാവിലെയോടെയാണ് ഏറ്റുമുട്ടല്‍ ആരംഭിച്ചത്. രണ്ടു ഭീകരരെ സൈന്യം പിടികൂടിയതായാണ് റിപ്പോര്‍ട്ടുകള്‍ സൂചിപ്പിക്കുന്നത്. ഭീകരരുണ്ടെന്ന രഹസ്യ വിവരത്തെ തുടര്‍ന്നാണ് സുരക്ഷാസേന റംമ്പാന്‍ മേഖലയില്‍ തിരച്ചില്‍ നടത്തിയത്.

നേരത്തെ ജമ്മു കാശ്മീരിലെ പുല്‍വാമ ജില്ലയിലെ കങ്കന മേഖലയില്‍ സുരക്ഷാ സേനയുമായുണ്ടായ ഏറ്റുമുട്ടലില്‍ ജെയ്ഷ ഇ മുഹമ്മദിലെ മൂന്നു ഭീകരരെ സൈന്യം വധിച്ചിരുന്നു.