പോലീസ് സ്റ്റേഷനുള്ളില് വച്ച് ടിക് ടോക് വീഡിയോ ചെയ്ത് സമൂഹമാധ്യമങ്ങളില് പ്രചരിപ്പിച്ച യുവാക്കള് അറസ്റ്റില്
പോലീസ് സ്റ്റേഷനുള്ളില് വച്ച് ടിക് ടോക് വീഡിയോ ചെയ്ത് സമൂഹമാധ്യമങ്ങളില് പ്രചരിപ്പിച്ച യുവാക്കള് അറസ്റ്റില്. ഗുജറാത്തിലെ വഡോദരയിലെ ഒരു പോലീസ് സ്റ്റേഷനിലാണ് സംഭവം. സല്മാന് പത്താന്, ആരിഫ് ഷെയ്ക്ക് എന്നിവരെയാണ് പോലീസ് അറസ്റ്റ് ചെയ്തത്.
ജൂണ് 5 നാണ് ഈ ടിക് ടോക് വീഡിയോ സമൂഹമാധ്യമങ്ങളില് വ്യാപകമായി പ്രചരിക്കാന് തുടങ്ങിയത്. ഇത് ശ്രദ്ധയില്പ്പെട്ടതോടെ പോലീസ് അന്വേഷണം ആരംഭിക്കുകയും പ്രതികളെ പിടികൂടുകയുമായിരുന്നു. ലോക്ക്ഡൗണ് ഉത്തരവുകള് ലംഘിച്ചതിന് ഇരുവരെയും ഏപ്രിലില് അറസ്റ്റ് ചെയ്ത് സയാജിഗുഞ്ച് പോലീസ് സ്റ്റേഷനില് എത്തിച്ചിരുന്നു.
ഈ അവസരത്തില് ആയിരുന്നു കേസിന് ആധാരമായ വീഡിയോ പ്രതികള് ചിത്രീകരിച്ചതെന്ന് അന്വേഷണ ഉദ്യോഗസ്ഥര് അറിയിച്ചു. പോലീസ് സ്റ്റേഷനുള്ളില് അനധികൃതമായി വീഡിയോ ചിത്രീകരിച്ച് പ്രചരിപ്പിച്ചതിന് ഇന്ഫര്മേഷന് ടെക്നോളജി ആക്ടിന്റെ പ്രസക്തമായ വകുപ്പുകള് പ്രകാരമാണ് യുവാക്കള്ക്കെതിരെ കേസെടുത്തിരിക്കുന്നത്.
https://www.facebook.com/Malayalivartha
