പുതിയ ആന്റിജൻ പരിശോധന കിറ്റ്...അരമണിക്കൂറില് കൊവിഡ് പരിശോധനാ ഫലം അറിയാം
കൊവിഡ് പരിശോധന ഫലം വേഗത്തില് ലഭിക്കുന്ന പുതിയ പരിശോധനകിറ്റിനു ഐസിഎംആര് അനുമതി നല്കി. കുറഞ്ഞനിരക്കില് ലബോറട്ടറി പരിശോധനകൂടാതെ പരിശോധന നടത്തുവാന് സാധിക്കുമെന്നാണ് പുതിയ കൊവിഡ് പരിശോധന കിറ്റിന്റെ പ്രത്യേകത.
എസ്.ഡി.ബയോസെന്സര് എന്ന സ്വകാര്യ കമ്പനിയാണ് ഇത്തരത്തില് ആന്റിജന് ടെസ്റ്റ് കിറ്റ് വികസിപ്പിച്ച് എടുത്തത്. എയിംസ് ഈ കമ്പനിക്ക് അംഗീകാരവും നല്കിയിരുന്നു. പുതിയ പരിശോധന പ്രകാരം മൂക്കിലൂടെ ശേഖരിക്കുന്ന ശ്രവസാമ്പിളുകള് മാത്രമാണ് പരിശോധിക്ക് എടുക്കുന്നത് .കൂടുതൽ ആൾക്കാരിലേക്ക് പരിശോധന വ്യാപിപ്പിക്കാൻ ഈ കിറ്റ് സഹായിക്കും
കൊവിഡ് രോഗബാധിതന്റെ ശ്രവസാമ്പിളുകള് പരിശോധിക്കുമ്പോള് രോഗാണുവിന്റെ തന്മാത്ര പെട്ടന്ന് തന്നെ ഇതിലൂടെ തിരിച്ചറിയുവാന് സാധിക്കുകയും 30 മിനിട്ടിനുള്ളില് തന്നെ പരിശോധനാഫലം പോസിറ്റീവ് ആണോ നെഗറ്റീവ് ആണോ എന്ന് മനസ്സിലാകുവാന് സാധിക്കുമെന്നതാണ് ഏറ്റവും ശ്രദ്ധേയമായ കാര്യം. കുുറഞ്ഞ സംവേദനക്ഷമതയിലും ഉയര്ന്ന് വ്യക്തത നല്കുന്നു എന്നതാണ് ഇതിന്റെ ഏറ്റവും വലിയ പ്രത്യേകത.
സാധാരണ കൊവിഡ് പരിശോധനയെ അപേക്ഷിച്ച് പതിന്മടങ്ങ് വേഗത്തില് രോഗം വ്യാപിച്ചോ എന്ന് കണ്ടെത്താനും ഇതിലൂടെ സാധിക്കും. ഐസിഎംആറും ഇത് ശുപാര്ശ ചെയ്യുന്നുണ്ട്. ഈ പരിശോധന അനുസരിച്ച് പോസിറ്റീവ് ആണെങ്കില് കൂടുതല് പരിശോധനയുടെ ആവശ്യമില്ലെന്ന് ഐസിഎംആര് റിപ്പോര്ട്ട് ചെയ്യുന്നു.
അതേസമയം, നെഗറ്റീവ് ആണെങ്കില് ആര് റ്റി - പിസിആര് പരിശോധനയ്ക്ക് കൂടി വിധേയരാകണം എന്നും അധികൃതര് നിര്ദ്ദേശിച്ചിട്ടുണ്ട്.കഴിഞ്ഞ മാസം യുഎസ് ഫുഡ് ആന് ഡ്രഗ് അഡ്മിനിസ്ട്രേഷന് ഇത്തരത്തില് ആന്റിജന് മുന്നിര്ത്തിയുള്ള പരിശോധനയ്ക്ക് അനുമതി നല്കിയിരുന്നു. ഇത്തരത്തില് ഓരോ പരിശോധനാ കിറ്റുകള്ക്കും വൈറസിനെതിരെ പൊരുതാനുള്ള അതിന്റേതായ ഒരു സ്വഭാവമുണ്ടായിരിക്കും.
പിസിആര് പരിശോധനകള് കൃത്യമായതാണ്. എന്നാല്, ഈ പരിശോധന കൂടുതല് സമയമെടുക്കുന്നതാണ് ഒരു ന്യൂനത. അതേസമയം ആന്റിജന് മുന്നിര്ത്തിയുള്ള പരിശോധനയയ്ക്ക് വേഗത തന്നെയാണ് പ്രധാന ഗുണം ഉള്ളത്. നിമിഷങ്ങള്ക്കുള്ളില് തന്നെ ഫലം പുറത്തുവിടും. അധികൃതര് വ്യക്തമാക്കി.
എന്നാല്, ആന്റിജന് പരിശോധന നേരിടുന്ന ഏറ്റവും വലിയ വെല്ലുവിളി എന്നത് അതിന്റെ സൂക്ഷ്മതയാണ്. പിസിആര് പരിശോധനയെ അപേക്ഷിച്ച് ധാരാളം തെറ്റായ നെഗറ്റീവ് ഫലങ്ങള്ക്ക് സാധ്യതയുണ്ടെന്നാണ് റിപ്പോര്ട്ട്. അതായത്, നെഗറ്റീവ് റിസള്ട്ട് കണ്ടെങ്കിലും രോഗമില്ലെന്നല്ല കരുതേണ്ടത് എന്ന് എഫ്ഡിഎ പറഞ്ഞിരുന്നു.
സമാനമായി തന്നെ നെഗറ്റീവ് ഫലങ്ങള് പിസിആര് പരിശോധനയും നടത്തേണ്ടതുണ്ട്. രാജ്യത്ത് നിലവില് പ്രതിദിനം 1.5 ലക്ഷം ആളുകള്ക്ക് വീതം പിസിആര് പരിശോധന നടത്തുന്നുണ്ട്.
https://www.facebook.com/Malayalivartha
