അതിര്‍ത്തിയില്‍ ചൈന ധാരണ ലംഘിച്ചെന്ന് വിദേശകാര്യ മന്ത്രാലയം. 'ഇന്ത്യ- ചൈന കമാന്‍ഡര്‍മാര്‍ക്കിടയില്‍ യോഗം ചേര്‍ന്ന് പ്രശ്നം പരിഹരിക്കാമെന്ന് ധാരണയായിരുന്നു. ഇതാണ് ചൈന ലംഘിച്ചത്. 'ഇന്ത്യയുടെ പരമാധികാരവും അഖണ്ഡതയും സംരക്ഷിക്കും. നിയന്ത്രണരേഖ മറികടക്കാന്‍ ചൈന ശ്രമിച്ചു. ഇതാണ് സംഘര്‍ഷത്തിന് ഇടയാക്കിയത്', വിദേശകാര്യ മന്ത്രാലയം പ്രസ്താവനയിലൂടെ അറിയിച്ചു. വിദേശകാര്യ വക്താവ് അനുരാഗ് ശ്രീവാസ്തവയാണ് പ്രസ്താവന പുറപ്പെടുവിച്ചിരിക്കുന്നത്. 'ജൂണ്‍ 6 ന് ഇരുസൈന്യങ്ങളിലെയും കമാന്‍ഡര്‍മാര്‍ യോഗം ചേര്‍ന്നിരുന്നു. സൈനികരെ മേഖലയില്‍ നിന്ന് പിന്‍വലിക്കാന്‍ തീരുമാനം എടുത്തിരുന്നു'.

'ഇത് സുഗമമായി നടക്കുമെന്ന് ആയിരുന്നു പ്രതീക്ഷ. എന്നാല്‍, ചൈന ഇത് അംഗീകരിച്ചില്ല. ഗാല്‍വന്‍ താഴ്വരയിലെ യഥാര്‍ത്ഥ നിയന്ത്രണരേഖയെ ബഹുമാനിക്കുകയും ചെയ്തില്ല'.'

ജൂണ്‍ 15 ന് വൈകി രാത്രി ഇരുസൈന്യങ്ങളും തമ്മില്‍ സംഘര്‍ഷം ഉടലെടുത്തു. ചൈന അതിര്‍ത്തി ധാരണ ലംഘിച്ചു. രണ്ട് ഭാഗത്തും മരണങ്ങളുണ്ടായി. ഉയര്‍ന്ന, നയതന്ത്ര, സൈനിക തലത്തില്‍ നടത്തിയ ചര്‍ച്ചയില്‍ ഉണ്ടായ ധാരണ ചൈന ബഹുമാനിച്ചിരുന്നെങ്കില്‍ ഈ മരണങ്ങള്‍ ഇല്ലാതാക്കാമായിരുന്നു'.

'എല്‍എസിയുടെ ഇന്ത്യയുടെ ഭാഗത്തു നിന്നാണ് എല്ലാ പ്രവര്‍ത്തനങ്ങളും ഉണ്ടായെന്നുള്ളത് വ്യക്തമാണ്. ഈ സമീപനം ചൈനയുടെ ഭാഗത്തുനിന്നും പ്രതീക്ഷിക്കുന്നു'.

അതിര്‍ത്തിയുമായി ബന്ധപ്പെട്ട് സമാധാനവും ശാന്തിയും തുടരേണ്ടതിന്റെ ആവശ്യകതയില്‍ ഞങ്ങള്‍ ഉറച്ചു നില്‍ക്കുകയാണ്. ഭിന്നതകള്‍ ചര്‍ച്ചകളിലൂടെ പരിഹരിക്കാം. അതേസമയം, ഇന്ത്യയുടെ പരാമാധികാരവും അഖണ്ഡതയും സംരക്ഷിക്കുകയും ചെയ്യും'.

ലഡാഖ് സംഘര്‍ഷത്തില്‍ 43 ചൈനീസ് സൈനികര്‍ കൊല്ലപ്പെട്ടെന്ന് എഎന്‍ഐ വാര്‍ത്താ ഏജന്‍സി റിപ്പോര്‍ട്ട് ചെയ്തു. ഗുരുതരമായി പരിക്കേറ്റവരും ഉള്‍പ്പെടുന്നു. 20 ഇന്ത്യന്‍ സൈനികര്‍ കൊല്ലപ്പെട്ടതായി സര്‍ക്കാര്‍ വൃത്തങ്ങളെ ഉദ്ധരിച്ചു കൊണ്ട് എഎന്‍ഐ റിപ്പോര്‍ട്ട് ചെയ്തു. കിഴക്കന്‍ ലഡാഖിലെ ഗാല്‍വന്‍ താഴ്വരയിലാണ് ഇരു രാജ്യങ്ങളുടെയും സൈനികര്‍ തമ്മിലാണ് സംഘര്‍ഷം ഉണ്ടായത്. ഇരു രാജ്യങ്ങളും തമ്മിലുണ്ടായ സംഘര്‍ഷം മൂന്ന് മണിക്കൂറോളം നീണ്ടുനിന്നതായി റിപ്പോര്‍ട്ടുകളുണ്ട്.

അതിര്‍ത്തിയില്‍ ചൈന ധാരണ ലംഘിച്ചെന്ന് വിദേശകാര്യ മന്ത്രാലയം പറഞ്ഞു. നിയന്ത്രണരേഖ മറികടക്കാന്‍ ചൈന ശ്രമിച്ചെന്നും ഇതാണ് സംഘര്‍ഷത്തിന് ഇടയാക്കിയതെന്നും വിദേശകാര്യ മന്ത്രാലയം പ്രസ്താവനയിലൂടെ അറിയിച്ചു. വിദേശകാര്യ വക്താവ് അനുരാഗ് ശ്രീവാസ്തവയാണ് പ്രസ്താവന പുറപ്പെടുവിച്ചത്.


ലഡാക്കിലെ എല്‍എസിയില്‍ ഉണ്ടായ മരണത്തില്‍ യുഎന്‍ സെക്രട്ടറി ജനറല്‍ അന്റോണിയോ ഗുട്ടെറസ് ആശങ്ക അറിയിച്ചു. ഇരു രാജ്യങ്ങളോടും സംയമനം പാലിക്കണമെന്ന് ആവശ്യപ്പെട്ടു.

തിങ്കളാഴ്ച രാത്രി കിഴക്കന്‍ ലഡാഖില്‍ ഉണ്ടായ സംഘര്‍ഷത്തില്‍ ഒരു കേണല്‍ ഉള്‍പ്പെടെ മൂന്ന് ഇന്ത്യന്‍ സൈനികര്‍ വീരമൃത്യു വരിച്ചു. വിജയവാഡ സ്വദേശിയായ കേണല്‍ ബി സന്തോഷ് ബാബു, തമിഴ്നാട് തിരുവണ്ടനൈ സ്വദേശി ഹവില്‍ദാര്‍ എ പളനി, ജാര്‍ഖണ്ഡ് സാഹിബ് ഗജ്ജ് സ്വദേശി ശിപായിയായ ഓജ എന്നീ സൈനികരാണ് വീരമൃത്യു വരിച്ചത്.