സര്ക്കാരിനെതിരെ വിമര്ശനങ്ങള് വര്ധിക്കുന്നു; കേന്ദ്ര എജന്സികളെയിറക്കി കേന്ദ്ര സര്ക്കാര്; കോണ്ഗ്രസ് നേതാക്കള്ക്കെതിരെ ചറപറാ കേസ്
കേന്ദ്ര സര്ക്കാരിനെതിരെ വിമര്ശനം ശക്തമാകുന്നതിനൊപ്പം കോണ്ഗ്രസ് നേതാക്കാകള്ക്കെതിരെയുള്ള കേസുകളും സജീവമാകുകയാണ്. ചൈനീസ് ആക്രമണത്തിനെതിരെയാണ് കോണ്ഗ്രസ് നേതാക്കള് കേന്ദ്രസര്ക്കാരുമായി കൊമ്പു കോര്ക്കുന്നത്. ഇതിനെ പ്രതിരോധിക്കാന് രാജീവ് ഗാന്ധി ഫൗണ്ടേഷന്റെ ചൈനീസ് ബന്ധമെല്ലാം തുറന്നു കാട്ടി ബി.ജെ.പി നേതൃത്വം രംഗത്തു വരുകയും ചെയ്തിരുന്നും. രാജിവ് ഗാന്ധി ഫൗണ്ടേഷന് ചൈനീസ് സര്ക്കാര് നല്കിയ 20 ലക്ഷം രൂപ തിരിച്ചു നല്കിയാല് ഇന്ത്യന് പ്രദേശത്തു നിന്നും ചൈനീസ് സേനയെ ഒഴിപ്പിക്കാനുള്ള നടപടി സ്വീകിക്കുമോയെന്നാണ് കോണ്ഗ്രസ് നേതാവ് പി. ചിദംബരം തിരിച്ചു ചോദിച്ചത്. ചോദ്യങ്ങളും മറുചോദ്യങ്ങളും ഉയരുമ്പോള് കലുഷിതമായ അന്തരീക്ഷത്തില് കേന്ദ്ര എജന്സികളെ കൂടി ഇറക്കരിക്കുകയാണ് ബി.ജെ.പി നേതൃത്വം നല്കുന്ന കേന്ദ്ര സര്ക്കാര്. എന്ഫോഴ്മെന്റ് വിഭാഗത്തെയും സി.ബി.ഐയെയും എല്ലാം വീണ്ടും രാഷ്ട്രീയമായി സര്ക്കാര് ഉപയോഗിക്കുന്നതെന്നാണ് പ്രതിപക്ഷത്തിന്റെ ആരോപണം.
കോണ്ഗ്രസ് നേതാവ് അഹമ്മദ് പട്ടേലിനെ എന്ഫോഴ്സ്മെന്റ് വകുപ്പ് ഇന്നലെ ചോദ്യം ചെയ്തതും പ്രധാനമന്ത്രിയെയും ആര്.എസ്.എസിനെയും വിമര്ശിച്ച ഹരിയാനയിലെ കോണ്ഗ്രസ് നേതാവ് നീരജ് ഭാരതിയെ കഴിഞ്ഞ ദിവസം രാജ്യദ്രോഹ കുറ്റം ചുമത്തി അറസ്റ്റു ചെയ്തുമെല്ലാം ഇതില് ചിലതുമാത്രം. കഴിഞ്ഞ കുറേ നാളുകളായി ഗുജറാത്ത് സര്ക്കാരിനെതിരെ ശക്തമായ വിമര്ശനമാണ് അഹമ്മദ് പട്ടേല് നടത്തിയിരുന്നത്. സ്റ്റെര്ലിങ് ബയോടെക് പ്രമോര്ട്ടര്മാരായ സന്ദേശ സഹോദരന്മാരുമായി അഹമ്മദ് പട്ടേലിനും കുടുംബത്തിനും അടുത്ത ബന്ധമുണ്ടായിരുന്നുവെന്നുള്ള സാക്ഷിമൊഴിയെ അടിസ്ഥാനമാക്കിയാണ് എന്ഫോഴ്സ്മെന്റ് അദ്ദേഹത്തെ ഇന്നലെ ചോദ്യം ചെയ്തത്. മണിപ്പൂരില് ബി.ജെ.പി പങ്കാളിത്വമുള്ള സര്ക്കാര് ന്യുനപക്ഷമായതോടെ ഭരണത്തിന് അവകാശമുന്നയിച്ച കോണ്ഗ്രസ് മുന് മുഖ്യമന്ത്രി ഓക്രം ഇബോബി സിങ്ങിനെയും കഴിഞ്ഞ ദിവസം സി.ബി.ഐ സംഘം ചോദ്യം ചെയ്തിരുന്നു. ഉപതിരഞ്ഞെടുപ്പുകള് നടക്കാനിരിക്കുന്ന മധ്യപ്രദേശില് മുന് മുഖ്യമന്ത്രി കമല്നാഥിന്റെ മരുമകന് രതുല് പുരിക്കെതിരെയും കേസ് എടുത്തിട്ടുണ്ട്.
മധ്യപ്രദേശില് കോണ്ഗ്രസിന്റെ സമരത്തിനിടെ കേന്ദ്ര വനിതാ മന്ത്രിക്കെതിരെ മോശം പരാമര്ശം നടത്തിയെന്നാരോപിച്ച് വിദിഷ എം.എല്.എ ശശാങ്ക് ഭാര്വയ്ക്കെതിരെ സ്ത്രീപീഡനക്കേസെടുത്തും. ശശാങ്കിന്റെ വീട് ബി.ജെ.പി പ്രവര്ത്തകര് അടിച്ചു തകര്ത്തും. യു.പിയിലെ കാന്പുരില് പെണ്കുട്ടികളുടെ കെയര്ഹോമില് 57 പേര്ക്ക് കോവിഡ് സ്ഥിതികരിച്ചതിന് സര്ക്കാരിനെ വിമര്ശിച്ച എ.ഐ.സി.സി ജറല് സെക്രട്ടറി പ്രിയങ്കാ ഗാന്ധിക്കെതിരെ പോലും യു.പിയിലെ ശിശുക്ഷേമ സമിതി നോട്ടീസ് അയച്ചു. ആഗ്ര ആശുപത്രിയിലെ കോവിഡ് മരണങ്ങളെക്കുറിച്ചു വിമര്ശിച്ചതിന് ആഗ്ര കലക്ടറും പ്രിയങ്കക്കെതിരെ നിയമനടപടി സ്വീകരിച്ചിരുന്നു.
കേന്ദ്ര എജന്സികളെ കൊണ്ടു തൊട്ടതിനും പിടിച്ചതിനും കേസെടുത്ത് പ്രതിപക്ഷത്തിന്റെ വായ് അടപ്പിക്കാണ് സര്ക്കാര് ശ്രമിക്കുന്നത്. ഇതിനെതിരെ പ്രതിഷേധം ശക്തമാക്കാനാണ് കോണ്ഗ്രസിന്റെ തീരുമാനം.
https://www.facebook.com/Malayalivartha
