ജമ്മുകശ്മീര് സോപോറില് ഭീകരരുടെ കയ്യില് നിന്നും അതി സാഹസികമായി മൂന്ന് വയസ്സുകാരനെ രക്ഷപ്പെടുത്തി സൈന്യം.... സിആര്പിഎഫ് ജവാന്മാര് കുരുന്നിനെ തോക്കിന് മുനയില് നിന്നും രക്ഷപ്പെടുത്തിയതിങ്ങനെ....
ജമ്മുകശ്മീര് സോപോറില് ഭീകരരുടെ കയ്യില് നിന്നും അതി സാഹസികമായി മൂന്ന് വയസ്സുകാരനെ രക്ഷപ്പെടുത്തി സൈന്യം. ഇന്നലെ രാവിലെയുണ്ടായ ആക്രമണത്തിനിടയിലാണ് സിആര്പിഎഫ് ജവാന്മാര് കുരുന്നിനെ തോക്കിന് മുനയില് നിന്നും രക്ഷപ്പെടുത്തിയത്. ജമ്മുകശ്മീരിലെ ബാരമുള്ള ജില്ലയിലുള്ള സൊപോറില് പെട്രോളിങ് നടത്തുകയായിരുന്ന സിആര്പിഎഫ് ഉദ്യോഗസ്ഥരെ ഭീകരര് ആക്രമിക്കുകയായിരുന്നു.
ആക്രമണത്തില് സിആര്പിഎഫ് ഉദ്യോഗസ്ഥന് വീരമൃത്യു വരിച്ചു. മൂന്ന് സൈനികര്ക്ക് പരിക്കേല്ക്കുകയും ചെയ്തിരുന്നു. ഭീകരരുടെ ആക്രമണത്തില് പ്രദേശവാസിയായ ഒരാളും കൊല്ലപ്പെട്ടിരുന്നു. ബാഷിര് അറമ്മദ് എന്ന ഇയാളുടെ ചെറുമകനായ മൂന്ന് വയസ്സുകാരനെയാണ് ജീവന് പോലും പണയം വെച്ച് സൈന്യം അതിസാഹസികമായി രക്ഷപ്പെടുത്തിയത്.
മൂന്ന് വയസ്സുകാരനുമായി വഴിയിലൂടെ നടന്നുപോകുമ്പോഴായിരുന്നു ബാഷിറിന് വെടിയേറ്റത്. മരണമടഞ്ഞ ഇയാളുടെ സമീപത്തിരുന്ന് നിലവിളിക്കുകയായിരുന്ന കുഞ്ഞിനെ സ്ഥലത്തെത്തിയ സൈന്യം ഭീകരരുടെ വെടിയേല്ക്കാതെ രക്ഷപ്പെടുത്തുകയായിരുന്നു.
അതേസമയം ഭീകരുടെ ആക്രമണത്തിന് മുന്നില് നിന്ന് കുട്ടിയെയും ബാഷിര് അറമ്മദിനെയും രക്ഷിക്കാന് ശ്രമിക്കുന്നതിനിടയിലാണ് ഒരു സൈനികന് വീരമ്യത്യുവരിച്ചത്. പ്രദേശത്ത് സൈന്യം തെരച്ചില് നടത്തി വരികയാണ്. കഴിഞ്ഞ മാസം മാത്രം 48 ഭീകരെയാണ് സുരക്ഷാ സേന കൊലപ്പെടുത്തിയത്.
ബാരാമുള്ള ജില്ലയിലെ സോപോറില് ബുധനാഴ്ച രാവിലെ 7.35 ഓടെയാണ് ആക്രമണമുണ്ടായത്. പ്രദേശം വളഞ്ഞ് തിരച്ചില് തുടങ്ങിയിട്ടുണ്ടെന്ന് ജമ്മുകശ്മീര് ഡിജിപി ദില്ബഗ് സിങ് അറിയിച്ചു.
സിആര്പിഎഫിന്റെ പ്രത്യാക്രമണത്തില് ഒരു ഭീകരനും കൊല്ലപ്പെട്ടിട്ടുണ്ട്. ഇയാളില് നിന്ന് എകെ-47 തോക്കും മറ്റും കണ്ടെടുത്തതായി സൈനിക വൃത്തങ്ങള് അറിയിച്ചു.
കഴിഞ്ഞ ദിവസം ജമ്മുകശ്മീരിലെ അനന്ത് നാഗിലും സമാനമായ ഏറ്റുമുട്ടല് നടക്കുകയുണ്ടായി. വാഗ്മ പ്രദേശത്ത് ഭീകരര് ഒളിച്ചിരിക്കുന്നെന്ന വിവരത്തെത്തുടര്ന്ന് പൊലീസും സുരക്ഷാ സേനയും നടത്തിയ തിരച്ചിലിനിടെയാണ് 2 ഭീകരരെ വധിച്ചത്. ഇവര് ജമ്മുകശ്മീര് ഐഎസ് ഭീകരരാണെന്നാണ് വിവരം.
ഒളിച്ചിരുന്ന ഭീകരരില് കഴിഞ്ഞ ദിവസം ബീജ്പഹാരയില് സിആര്പിഎഫ് സംഘത്തിന് നേരെ ആക്രമണം നടത്തിയ സാഹിദ് ദാസ് എന്ന ഭീകരനും ഉള്പ്പെടുന്നതായി പൊലീസ് വ്യക്തമാക്കി. ഇയാളെ വധിച്ചതായും മറ്റുള്ളവര്ക്കായി തിരച്ചില് തുടരുന്നതായും സൈന്യം വ്യക്തമാക്കി. ബീജ്പഹാരയില് നടന്ന ആക്രമണത്തില് സിആര്പിഎഫ് ജവാനും ഒരു കുട്ടിയും കൊല്ലപ്പെട്ടിരുന്നു.
"
https://www.facebook.com/Malayalivartha
