ഇന്ത്യ -ചൈന അതിര്ത്തി സംഘര്ഷത്തിനിടെ പ്രധാനമന്ത്രി അപ്രതീക്ഷിതമായി ലഡാക്കില് എത്തി! പ്രതിരോധ മന്ത്രി രാജ്നാഥ് സിങ് ലഡാക്ക് സന്ദര്ശനം ഒഴിവാക്കിയതിന് പിന്നാലെയാണ് പ്രധാനമന്ത്രിയുടെ അപ്രതീക്ഷിതമായ നീക്കം; ഇന്ത്യൻ ജനത കാത്തിരുന്ന ആ നിമിഷം, ചൈനയുടെ നെഞ്ച് തകരുന്നു...
ഇത് സംബന്ധിച്ച് നേരത്തെ ഒരു അറിയിപ്പും ഉണ്ടായിരുന്നില്ല. ലേയില് പ്രധാനമന്ത്രി എത്തിയതിന് ശേഷമാണ് പ്രധാനമന്ത്രിയുടെ സന്ദര്ശനത്തെക്കുറിച്ച് ദൂരദര്ശന് വിവരം പുറത്തുവിട്ടത്.
ഇന്ത്യ -ചൈന അതിര്ത്തി സംഘര്ഷത്തിനിടെ പ്രധാനമന്ത്രി അപ്രതീക്ഷിതമായി ലഡാക്കില് എത്തി. സംയുക്ത സൈനിക മേധാവിയും കരസേനമേധാവിയും പ്രധനമന്ത്രിക്കൊപ്പമുണ്ട്.. മുന്കൂട്ടി പ്രഖ്യാപിക്കാതെ അപ്രതീക്ഷിതമായിട്ടാണ് പ്രധാനമന്ത്രി ലേയിലെത്തിയത്.
ജൂണ് 15-ന് ചൈനീസ് സൈനികരുമായുള്ള അതിര്ത്തിയിലെ സംഘര്ഷത്തിന് ശേഷം സുരക്ഷാ സ്ഥിതിഗതികള് വിലയിരുത്തുന്നതിനാണ് പ്രധാനമന്ത്രിയുടെ സന്ദര്ശനം. അതിര്ത്തിയിലെ സൈനിക വിന്യാസവും ചൈനീസ് സൈനികരുമായുള്ള ചര്ച്ചകളുടെ പുരോഗതിയും പ്രധാനമന്ത്രി വിലയിരുത്തും.
സംഘര്ഷത്തില് പരിക്കേറ്റ് സൈനിക ആശുപത്രിയില് കഴിയുന്ന സൈനികരുമായി പ്രധാനമന്ത്രി സംവദിക്കും. സൈനികരുടെ മനോവീര്യം വര്ധിപ്പിക്കാനുള്ള നടപടിയുടെ ഭാഗമായിട്ടാണ് സന്ദര്ശനമെന്നാണ് സര്ക്കാര് വൃത്തങ്ങള് പറയുന്നത്.
ചീഫ് ഡിഫന്സ് സ്റ്റാഫ് ബിപിന് റാവത്ത്, കരസേനാ മേധാവി എം.എം.നരവനെ എന്നിവര് പ്രധാനമന്ത്രിയെ അനുഗമിക്കുന്നുണ്ട്. പ്രതിരോധ മന്ത്രി രാജ്നാഥ് സിങ് ലഡാക്ക് സന്ദര്ശനം ഒഴിവാക്കിയതിന് പിന്നാലെയാണ് പ്രധാനമന്ത്രി അപ്രതീക്ഷിതമായി അവിടെ എത്തിയിട്ടുള്ളത്.
ഗല്വാന് താഴ് വരയിലെ അതിര്ത്തി സംഘര്ഷത്തില് പിന്മാറ്റത്തിന് തയ്യാറാണെന്ന് ചൈന ഇന്ത്യന് സേന കമാണ്ടര്മാരുമായുള്ള ചര്ച്ചയില് സമ്മതിച്ചിരുന്നു. എന്നാല് താഴ് വരയിലെ തന്ത്രപ്രധാനമായ പ്രദേശങ്ങള് തങ്ങളുടെ അധീനതയിലുള്ളതാണെന്ന് ചൈന ആവര്ത്തിക്കുന്നുണ്ട്.
https://www.facebook.com/Malayalivartha
