ഇന്ത്യ 59 ചൈനീസ് ആപ്പുകള് നിരോധിച്ചിതിനു പിന്നാലെ ചൈനയ്ക്കെതിരെ വിവിധ നീക്കങ്ങള് നടത്താനൊരുങ്ങി ലോകരാജ്യങ്ങള്... അമേരിക്കയുടെ മാസ്സ് നീക്കം വാലും ചുരുട്ടി ഓടി ചൈന
ഇന്ത്യ 59 ചൈനീസ് ആപ്പുകള് നിരോധിച്ചിതിനു പിന്നാലെ ചൈനയ്ക്കെതിരെ വിവിധ നീക്കങ്ങള് നടത്താനൊരുങ്ങുകയാണ് ലോകരാജ്യങ്ങള് . ചൈനയുടെ നിരവധി മനുഷ്യാവകാശലംഘനങ്ങള്ക്കെതിരെ കൈകോര്ത്തിരിക്കുകയാണ് അവര് .ടിക് ടോക്ക് ഉള്പ്പെടെയുള്ള ചൈനീസ് സോഷ്യല് മീഡിയ ആപ്ലിക്കേഷനുകള് നിരോധിക്കുന്നത് അമേരിക്കയും പരിഗണിക്കുമെന്ന് സ്റ്റേറ്റ് സെക്രട്ടറി മൈക്ക് പോംപിയോ തിങ്കളാഴ്ച പറഞ്ഞു.
ഫോക്സ് ന്യൂസിന്റെ ലോറ ഇന്ഗ്രാമുമായുള്ള അഭിമുഖത്തിനിടെയാണ് പോംപിയോ ഇക്കാര്യം വ്യക്തമാക്കിയത്. ഞങ്ങള് ഇത് വളരെ ഗൗരവമായി കാണുന്നു എന്നായിരുന്നു ചൈനീസ് സോഷ്യല് മീഡിയ ആപ്ലിക്കേഷനുകള്, പ്രത്യേകിച്ച് ടിക് ടോക്ക് നിരോധിക്കുന്നത് അമേരിക്ക പരിഗണിക്കേണ്ടതുണ്ടോ എന്ന് ഇന്ഗ്രാഹാമിന്റെ ചോദ്യത്തിന് മറുപടിയായി പോംപിയോ പറഞ്ഞത്.
നിങ്ങളുടെ സ്വകാര്യ വിവരങ്ങള് ചൈനീസ് കമ്മ്യൂണിസ്റ്റ് പാര്ട്ടിക്ക് നല്കണമെങ്കില് മാത്രമേ ആപ്ലിക്കേഷന് ഡൗണ്ലോഡ് ചെയ്യാവൂ എന്നാണ് വാഷിങ്ടണിലെ ഉന്നത നയതന്ത്രജ്ഞന് പറഞ്ഞത്. എന്നാല്, അമേരിക്കയുടെ നീക്കത്തെ കുറിച്ച് പ്രതികരിക്കാന് ടിക് ടോക്ക് തയാറായില്ല.
ദേശീയ സുരക്ഷ, വ്യാപാരം, സാങ്കേതികവിദ്യ എന്നിവയുള്പ്പെടെ നിരവധി മേഖലകളിലേക്ക് വ്യാപിച്ച അമേരിക്കയും ചൈനയും തമ്മിലുള്ള സംഘര്ഷങ്ങള് രൂക്ഷമായ സമയത്താണ് പോംപിയോയുടെ പരാമര്ശങ്ങള് എന്നതും ശ്രദ്ധേയമാണ്. ബെയ്ജിങ് ആസ്ഥാനമായുള്ള സ്റ്റാര്ട്ടപ്പ് ബൈറ്റ്ഡാന്സിന്റെ ഉടമസ്ഥതയിലുള്ള ടിക് ടോക്ക് ചൈനയുമായുള്ള ബന്ധം കാരണം ദേശീയ സുരക്ഷയ്ക്ക് ഭീഷണിയാണെന്ന് യുഎസ് രാഷ്ട്രീയ നേതാക്കള് ആവര്ത്തിച്ചു ആരോപിക്കുന്നുണ്ട്. ചൈനീസ് കമ്മ്യൂണിസ്റ്റ് പാര്ട്ടിയുടെ നിയന്ത്രണത്തിലുള്ള രഹസ്യാന്വേഷണ പ്രവര്ത്തനങ്ങളെ പിന്തുണയ്ക്കാനും സഹകരിക്കാനും കമ്പനിയെ നിര്ബന്ധിതരാക്കാമെന്നും അവര് ആരോപിക്കുന്നുണ്ട്.
ബൈറ്റ്ഡാന്സില് നിന്ന് പ്രത്യേകം, വേറിട്ട് പ്രവര്ത്തിക്കുന്നതാണ് ടിക് ടോക്ക് സംവിധാനങ്ങളെന്ന് കമ്പനി നേരത്തെ തന്നെ പറഞ്ഞിട്ടുണ്ട്. ഇതിന്റെ ഡേറ്റാ സെന്ററുകള് പൂര്ണമായും ചൈനയ്ക്ക് പുറത്താണ് സ്ഥിതി ചെയ്യുന്നതെന്നും ആ ഡേറ്റയൊന്നും ചൈനീസ് നിയമത്തിന് വിധേയമല്ലെന്നും അതില് പറയുന്നു. ടിക് ടോക്കിന്റെ അഭിപ്രായത്തില് യുഎസ് ഉപയോക്തൃ ഡേറ്റ സിംഗപ്പൂരില് ഒരു ബാക്കപ്പ് ഉപയോഗിച്ച് യുണൈറ്റഡ് സ്റ്റേറ്റ്സില് സംഭരിച്ചിരിക്കുന്നു എന്നാണ്. ദേശീയ സുരക്ഷാ ആശങ്കകള് അടിസ്ഥാനരഹിതമാണെന്ന് കരുതുന്നുവെന്ന് കമ്പനിയുടെ വക്താവ് പറഞ്ഞു.
അമേരിക്കയിലും മറ്റ് പാശ്ചാത്യ രാജ്യങ്ങളിലും ടിക് ടോക്ക് വളരെ പെട്ടെന്നാണ് ജനപ്രീതി നേടിയത്. സ്വന്തം രാജ്യത്തിന് പുറത്തുള്ള ഉപയോക്താക്കളുമായി കാര്യമായ ഇടപെടല് നടത്തുന്ന ആദ്യത്തെ ചൈനീസ് സോഷ്യല് മീഡിയ പ്ലാറ്റ്ഫോമായി ഇത് മാറി. ഈ വര്ഷത്തെ ആദ്യ മൂന്ന് മാസങ്ങളില് ഇത് 31.5 കോടി തവണ ഡൗണ്ലോഡ് ചെയ്യപ്പെട്ടു. ചരിത്രത്തിലെ മറ്റേതൊരു ആപ്ലിക്കേഷനെക്കാളും ത്രൈമാസ ഡൗണ്ലോഡിങ്ങില് റെക്കോര്ഡ് നേട്ടമാണിതെന്നും അനലിറ്റിക്സ് കമ്പനിയായ സെന്സര് ടവര് പറയുന്നു.
https://www.facebook.com/Malayalivartha
