പ്രശസ്ത ബോളിവുഡ് നടന് ജഗദീപ് അന്തരിച്ചു... ഇന്നലെ വൈകിട്ട് മുംബൈയിലെ ബാന്ദ്രയിലുള്ള വസതിയിലായിരുന്നു അന്ത്യം, സംസ്കാരം നാളെ മുംബൈയിലുള്ള ഷിയ കബറിസ്ഥാനില്
പ്രശസ്ത ബോളിവുഡ് നടന് ജഗദീപ് (81) അന്തരിച്ചു. ഇന്നലെ വൈകിട്ട് മുംബൈയിലെ ബാന്ദ്രയിലുള്ള വസതിയിലായിരുന്നു അന്ത്യം. സംസ്കാരം നാളെ മുംബൈയിലുള്ള ഷിയ കബറിസ്ഥാനില് നടക്കും. ഷോലെ, അന്ദാസ് അപ്ന അപ്ന, ഖുര്ബാനി, ഷഹന്ഷ എന്നീ ചിത്രങ്ങളില് ശ്രദ്ധേയ വേഷങ്ങള് ചെയ്തു. അബ് ദില്ലി ദൂര് നഹി, കെ എ അബ്ബാസിന്റെ മുന്ന, ഗുരു ദത്തിന്റെ ആര് പാര്, ബിമല് റോയ്യുടെ ദൊ ബീഗ സമീന് തുടങ്ങി നാനൂറിലേറെ സിനിമകളിലാണ് അഭിനയിച്ചത്. ഏറ്റവും ശ്രദ്ധേയം ഷോലെയിലെ സൂര്മ ഭോപാലി എന്ന കഥാപാത്രമായിരുന്നു. അഞ്ച് സിനിമകളില് നായകനായും അഭിനയിച്ചിട്ടുണ്ട്.
സയ്യിദ് ഇഷ്തിയാഖ് അഹമ്മദ് ജഫ്രി എന്നാണ് ജഗ്ദീപിന്റെ യഥാര്ഥ പേര്. 1939ല് അമൃത്സറിലായിരുന്നു ജനനം. ഒന്പതാം വയസ്സില് ബാലനടനായാണ് തുടക്കം. ബി.ആര് ചോപ്രയുടെ അഫ്സാനയിലാണ് ആദ്യം അഭിനയിച്ചത്. റൂമി ജഫ്രിയുടെ സംവിധാനത്തില് 2012ല് പുറത്തെത്തിയ ഗലി ഗലി ചോര് ഹൈ എന്ന ചിത്രത്തിലാണ് അവസാനം അഭിനയിച്ചത്.
"
https://www.facebook.com/Malayalivartha
