ഇന്ത്യ - ചൈന അതിര്ത്തിയില് മൂന്നിടങ്ങളില് ഇരുസേനകളുടെയും ആദ്യഘട്ട പിന്മാറ്റം പൂര്ത്തിയായി... എതിര്പക്ഷത്തിന്റെ പിന്മാറ്റം സ്ഥിരീകരിക്കാന് സേനാ സംഘം വരും ദിവസങ്ങളില് മൂന്നിടങ്ങളിലും നേരിട്ടെത്തി പരിശോധന നടത്തും
ഇന്ത്യ - ചൈന അതിര്ത്തിയില് മൂന്നിടങ്ങളില് ഇരുസേനകളുടെയും ആദ്യഘട്ട പിന്മാറ്റം പൂര്ത്തിയായി. ഗോഗ്ര ഹൈറ്റ്സിലെ പട്രോള് പോയിന്റ് 17എയില്നിന്ന് ടെന്റുകളടക്കം നീക്കി ഇരു സേനകളും പിന്നോട്ടു മാറി. ഗല്വാന് (പട്രോള് പോയിന്റ് 14), ഹോട്സ്പ്രിങ്സ് (പട്രോള് പോയിന്റ് 15) എന്നിവിടങ്ങളില് നിന്ന് കഴിഞ്ഞ ദിവസം പിന്മാറിയിരുന്നു. മൂന്നിടങ്ങളിലും 3 കിലോമീറ്റര് അകലത്തിലാണ് ഇരു സേനകളും ഇപ്പോഴുള്ളതെന്നു സേനാ വൃത്തങ്ങള് പറഞ്ഞു.
എതിര്പക്ഷത്തിന്റെ പിന്മാറ്റം സ്ഥിരീകരിക്കാന് സേനാ സംഘം വരും ദിവസങ്ങളില് മൂന്നിടങ്ങളിലും നേരിട്ടെത്തി പരിശോധന നടത്തും. അതിര്ത്തിയിലെ സ്ഥിതിഗതികളെക്കുറിച്ച് വ്യാജ പ്രചാരണങ്ങള് നടക്കുന്നുണ്ടെന്ന് വിദേശകാര്യ മന്ത്രാലയം അധികൃതര് പറഞ്ഞു. ഗാല്വന് താഴ്വരക്ക് മേലുള്ള അവകാശവാദം അംഗീകരിക്കാന് സാധിക്കില്ല. പരമാധികാരവും അഖണ്ഡതയും സംരക്ഷിക്കുമെന്ന് നേരത്തെ വ്യക്തമാക്കിയതാണെന്നും വിദേശകാര്യ വക്താവ് അനുരാഗ് ശ്രീവാസ്തവ പറഞ്ഞു.
"
https://www.facebook.com/Malayalivartha
