സെപ്റ്റംബറില് അവസാന വര്ഷ പരീക്ഷകള് നടത്താനുള്ള യുജിസി തീരുമാനത്തിനെതിരെ രാഹുല് ഗാന്ധി
കോളജുകളിലും സര്വ്വകലാശാലകളിലും സെപ്റ്റംബറില് അവസാന വര്ഷ പരീക്ഷകള് നടത്താനുള്ള യുജിസി തീരുമാനത്തിനെതിരെ രാഹുല് ഗാന്ധിയുടെ ട്വീറ്റ്. കോവിഡ് മഹാമാരിക്കിടയില് പരീക്ഷ നടത്തുന്നത് വിദ്യാര്ത്ഥികളോടുളള അനീതിയാണെന്ന് കോണ്ഗ്രസ് നേതാവ് രാഹുല് ഗാന്ധി പറഞ്ഞു. പരീക്ഷകള് റദ്ദാക്കണമെന്നും വിദ്യാര്ത്ഥികളെ അവരുടെ മുന് പ്രകടനങ്ങളുടെ അടിസ്ഥാനത്തില് പാസാക്കണമെന്നും രാഹുല് ഗാന്ധി ട്വീറ്ററില് പറയുന്ന്ു. 'വിദ്യാര്ത്ഥികള്ക്ക് വേണ്ടി ശബ്ദമുയര്ത്തുക' എന്ന ഹാഷ്ടാഗില് ട്വിറ്ററില് പങ്കുവെച്ച ഒരു വീഡിയോയിലാണ് അദ്ദേഹം ഈ നിര്ദേശം മുന്നോട്ടുവെച്ചത്. 'കോവിഡ് 19 മൂലം നിരവധി പേര്ക്ക് കഷ്ടതകള് അനുഭവിക്കേണ്ടി വന്നിട്ടുണ്ട്. സ്കൂളുകളിലും കോളേജുകളിലും സര്വകലാശാലകളിലും പഠിക്കുന്ന നമ്മുടെ വിദ്യാര്ത്ഥികള്ക്കും ഒരുപാട് കഷ്ടപ്പാടുകള് സഹിക്കേണ്ടതായി വന്നിട്ടുണ്ട്. ഐഐടികളും കോളേജുകളും പരീക്ഷകള് റദ്ദാക്കി വിദ്യാര്ഥികളെ പാസ്സാക്കണം. യു ജി സിയും പരീക്ഷകള് റദ്ദാക്കി കഴിഞ്ഞ പ്രകടനങ്ങളുടെ അടിസ്ഥാനത്തില് കുട്ടികള്ക്ക് കയറ്റം നല്കണം.' രാഹുല് ഗാന്ധി പറഞ്ഞു.
https://www.facebook.com/Malayalivartha
