സുബ്രഹ്മണ്യന്‍ സ്വാമിയെയും പാര്‍ട്ടിയില്‍ നിന്നും എങ്ങനെയെങ്കിലും തുരത്തണമെന്നാണ് ബിജെപിയുടെ ഇപ്പോഴത്തെ ഏക ലക്ഷ്യം. അതിനായി പാര്‍ട്ടിക്കുള്ളില്‍ തീരുമാനങ്ങളെടുക്കുന്നുണ്ടെന്നാണ് സൂചന. ബിജെപിയുടെ തിരഞ്ഞെടുപ്പ് പ്രകടനപത്രികയിലെ ഹിന്ദുത്വ അജന്‍ഡ നടപ്പാക്കാനുള്ള കര്‍മപരിപാടി രൂപീകരിക്കാന്‍ പാര്‍ട്ടി ദേശീയ നിര്‍വാഹക സമിതിയുടെ പ്രത്യേക യോഗം വിളിക്കണമെന്ന് ആവശ്യപ്പെട്ടു നിര്‍വാഹക സമിതിയംഗമായ സുബ്രഹ്മണ്യന്‍ സ്വാമി പാര്‍ട്ടി അധ്യക്ഷന്‍ അമിത് ഷായ്ക്കു കത്തയച്ചിരുന്നു.

അതൊടൊപ്പം തന്നെ ഇന്ത്യ ഫ്രാന്‍സില്‍ നിന്നു റാഫേല്‍ വിമാനങ്ങള്‍ വാങ്ങുന്നതിനെതിരെയും സ്വാമി പ്രതിഷേധവുമായി രംഗത്ത് വന്നിരുന്നു.ഫ്രാന്‍സില്‍ നിന്ന് റാഫേല്‍ യുദ്ധ വിമാനങ്ങള്‍ വാങ്ങാനുള്ള കരാറുമായി ഇന്ത്യ മുന്നോട്ടു പോയാല്‍ നിയമനടപടി സ്വീകരിക്കുമെന്ന് ബിജെപി നേതാവ് സുബ്രഹ്മണ്യന്‍ സ്വാമി വ്യക്തമാക്കിയിരുന്നത്. എയര്‍ക്രാഫ്റ്റുകളില്‍ മോശം പ്രകടനത്തിനു പേരുകേട്ടതാണ് റാഫേല്‍ യുദ്ധവിമാനങ്ങളെന്ന് സ്വാമി ട്വിറ്ററിലൂടെ വ്യക്തമാക്കിയിരുന്നു.

കരാറുമായി മുന്നോട്ടു പോകരുതെന്ന് പ്രധാനമന്ത്രിയോടു അഭ്യര്‍ഥിച്ചിരുന്നതായി സ്വാമി പറയുഞ്ഞിരുന്നു. മുന്‍ യുപിഎ സര്‍ക്കാരിന്റെ സമയത്താണ് റാഫേല്‍ യുദ്ധവിമാനങ്ങള്‍ വാങ്ങുന്നതിനു ചര്‍ച്ചകള്‍ തുടങ്ങിയതും. ബിജെപിയുമായി അത്രമാത്രം ബന്ധം ഉണ്ടായിട്ടും മോഡിയുമായി വ്യക്തിപരമായ അടുപ്പവും ഉണ്ടായിട്ടും കേന്ദ്ര സര്‍ക്കാരില്‍ ഔദ്യോഗിക പദവികള്‍ ലഭിക്കുന്നില്ലെന്നതാണ് സ്വാമിയുടെ പ്രധാന പരാതി. തന്റെ എല്ലാ ആഗ്രഹങ്ങള്‍ക്കും തടസ്സം നില്‍ക്കുന്നത് ധനമന്ത്രി അരുണ്‍ ജയ്റ്റ്‌ലിയാണെന്നാണ് സ്വാമി പറയുന്നത്.
സ്വാമിയോട് യാതൊരു ദേഷ്യമില്ലെന്നും രാജ്യസഭാ പ്രവേശനത്തിനു സഹായിക്കാമെന്നും ജയ്റ്റ്‌ലി ഉറപ്പുനല്‍കിയതായാണ് റിപ്പോര്‍ട്ടുകള്‍. ജനതാ പാര്‍ട്ടി അധ്യക്ഷനായിരിക്കെയാണ് മോഡിയുടെ പ്രധാനമന്ത്രി സ്ഥാനാര്‍ഥിത്വത്തിനു പരസ്യമായി പിന്തുണ പ്രഖ്യാപിച്ച് സ്വാമി ബിജെപിയില്‍ പുനഃപ്രവേശനത്തിനു വഴിയൊരുക്കിയത്. സ്വാമിയെ ബിജെപിയില്‍ അംഗമാക്കുന്നതില്‍ ജയ്റ്റ്‌ലിയ്ക്കും ചില നേതാക്കള്‍ക്കും എതിര്‍പ്പുണ്ടായിരുന്നതായാണ് സൂചന.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha