മധ്യപ്രദേശില് ദളിത് ദമ്പതികളെ പോലീസ് തല്ലിച്ചതച്ച സംഭവത്തില് രണ്ട് വനിതാ പോലീസുകാര് ഉള്പ്പെടെ ആറ് പോലീസുകാര്ക്ക് സസ്പെന്ഷന്... ഭൂമി കൈയേറ്റം ആരോപിച്ചു റവന്യു വകുപ്പ്- പോലീസ് ഉദ്യോഗസ്ഥര് തല്ലിച്ചതച്ച കര്ഷകദമ്പതികള് ജീവനൊടുക്കാന് ശ്രമിച്ചിരുന്നു, ഇവര് ഗുരുതരാവസ്ഥയില് ചികിത്സയില്
മധ്യപ്രദേശില് കൃഷിഭൂമി ഒഴിയാന് വിസമ്മതിച്ച ദളിത് ദമ്പതികളെ തല്ലിച്ചതച്ച സംഭവത്തെ തുടര്ന്ന് ആറ് പോലീസുകാരെ സസ്പെന്ഡ് ചെയ്തു. രണ്ട് വനിതാ പോലീസുകാര് ഉള്പ്പെടെയാണ് സസ്പെന്ഡ് ചെയ്യപ്പെട്ടത്. അശോക് സിംഗ് കുശ്വാഹ, രജേന്ദ്ര ശര്മ, പവന് യാദവ്, നരേന്ദ്ര രാവത്, നീതു യാദവ്, റാണി രഘുവാന്ഷി എന്നിവരാണ് സസ്പെന്ഷനിലായത്. നേരത്തെ ജില്ലാ കളക്ടര് എസ്. വിശ്വനാഥന്, എസ്പി നായക്, ഐജി രാജാബാബു സിംഗ് എന്നിവരെ സ്ഥലംമാറ്റിയിരുന്നു. സംഭവത്തില് സംസ്ഥാന സര്ക്കാര് ഉന്നതല അന്വേഷണത്തിന് ഉത്തരവിടുകയും ചെയ്തു. ഭൂമി കൈയേറ്റം ആരോപിച്ചു റവന്യു വകുപ്പ്- പോലീസ് ഉദ്യോഗസ്ഥര് തല്ലിച്ചതച്ച കര്ഷകദമ്പതികള് ജീവനൊടുക്കാന് ശ്രമിച്ചിരുന്നു. ഇവര് ഗുരുതരാവസ്ഥയില് ചികിത്സയിലാണ്.
മധ്യപ്രദേശിലെ ഗുണയില് ചൊവ്വാഴ്ചയാണ് സംഭവങ്ങള് അരങ്ങേറിയത്. ഗുണ ജില്ലയിലെ അഞ്ചര ഏക്കര് സ്ഥലത്ത് രാംകുമാര് അഹിര്വാള്- സാവിത്രി ദേവി ദമ്പതികള് ഇത്തവണയും കൃഷിയിറക്കിയിരുന്നു. ഇവര് വര്ഷങ്ങളായി കൃഷി ചെയ്യുന്ന ഭൂമിയാണിത്. എന്നാല്, സ്ഥലത്തെത്തിയ റവന്യു- പോലീസ് സംഘത്തിന്റെ വാദം ഈ ഭൂമി സര്ക്കാര് സ്ഥലമാണെന്നും വിദ്യാഭ്യാസ സ്ഥാപനം നിര്മിക്കാനായി ഏറ്റെടുത്ത ഭൂമിയാണിതെന്നുമായിരുന്നു. സ്ഥലം അതിര് ത്തികെട്ടി തിരിക്കാനെന്നു പറഞ്ഞെത്തിയവര് ജെസിബി ഉപയോഗിച്ച് കൃഷി പൂര്ണമായും നശിപ്പിക്കുകയും ചെയ്തു. ഇതിനെതിരേ കര്ഷക ദമ്പതികള് രംഗത്തെത്തിയതോടെ പോലീസ് ഇവരെ ക്രൂരമായി തല്ലിച്ചതയ്ക്കുകയായിരുന്നു. ഇതിനു പിന്നാലെയാണ് ഇവര് ഉദ്യോഗസ്ഥ ര്ക്കു മുന്നില്വച്ച് കീടനാശിനി കുടിച്ച് ആത്മഹത്യക്കു ശ്രമിച്ചത്.
"
https://www.facebook.com/Malayalivartha
