നാല് വയസുകാരിയെ തട്ടിക്കൊണ്ടു പോകാന് ശ്രമിച്ച സംഭവത്തില് കുട്ടിയുടെ അച്ഛന്റെ സഹോദരന് അറസ്റ്റില്
നാല് വയസുകാരിയെ തട്ടിക്കൊണ്ടു പോകാന് ശ്രമിച്ച കേസില് കുട്ടിയുടെ അച്ഛന്റെ സഹോദരന് ഉള്പ്പടെ രണ്ട് പേരെ പൊലീസ് കസ്റ്റഡിയിലെടുത്തു. കിഴക്കന് ഡല്ഹിയിലെ ഷാക്കാര്പൂര് ജില്ലയിലാണ് സംഭവം നടന്നത്. ഇന്നലെ വൈകുനേരമായിരുന്നു സംഭവം നടന്നത്. തട്ടിക്കൊണ്ടുപോയി പണം ആവശ്യപ്പെടുകയായിരുന്നു ഇവരുടെ ലക്ഷ്യമെന്ന് പൊലീസ് പ്രതികരിച്ചു. കൃത്യസമയത്ത് കുട്ടിയുടെ അമ്മ ഇടപെട്ടതിനെ തുടര്ന്ന് കുട്ടിയെ രക്ഷിക്കാനായി.ഹെല്മെറ്റ് ധരിച്ചാണ് ഇരുവരും കുട്ടിയെ തട്ടികൊണ്ടു പോകാന് വന്നത്. ആദ്യം വീട്ടില് വന്ന് കുട്ടിയുടെ അമ്മയോട് കുടിക്കാന് വെള്ളം ചോദിച്ചു. വെള്ളം എടുക്കാന് അമ്മ അകത്തുപോയ തക്കത്തിനായിരുന്നു ഇവര് കുട്ടിയെ തട്ടികൊണ്ടു പോകാന് ശ്രമിച്ചത്. എന്നാല് കുട്ടയുടെ ശബ്ദം കേട്ട് അമ്മ ഓടിയെത്തുകയും കുട്ടിയുമായി ബൈക്കില് കയറിയ സംഘത്തിന് മേല് അമ്മ ചാടി വീഴുകയുമായിരുന്നു.
ഉടനെ പ്രതികളില് നിന്നും കുട്ടിയെ അമ്മ രക്ഷിച്ചതോടെ ഒരാള് ഓടി രക്ഷപ്പെടാന് ശ്രമിച്ചു. മറ്റൊരാള് ബൈക്കിലും. എന്നാല് യുവതിയുടെ നിലവിളി കേട്ട് പ്രദേശവാസികള് സ്ഥലത്തെത്തി. തുടര്ന്ന് ബൈക്കില് രക്ഷപ്പെടാന് ശ്രമിച്ച പ്രതിയെ തടഞ്ഞു. ഇയാള് ബൈക്ക് ഉപേക്ഷിച്ച് രക്ഷപ്പെട്ടു.
ബൈക്കിന് വ്യാജ നമ്ബര് പ്ലേറ്റ് ഉണ്ടായിരുന്നു, പക്ഷേ ചേസിന്റെ നമ്ബര് വഴി ഞങ്ങള്ക്ക് അതിന്റെ ഉടമയെ കണ്ടെത്താന് കഴിഞ്ഞു. ബൈക്ക് ഉടമ ധീരജ് അറസ്റ്റിലായി, ചോദ്യം ചെയ്യലില്, കുട്ടിയുടെ അച്ഛന്റെ സഹോദരനാണ് ഉപേന്ദര് എന്ന് തിരിച്ചറിഞ്ഞു. ഇയാള് തന്നെയാണ് തട്ടിക്കൊണ്ടുപോകല് ശ്രമത്തിന്റെ സൂത്രധാരനാണെന്ന് വെളിപ്പെടുത്തി.
https://www.facebook.com/Malayalivartha