ആരോഗ്യമേഖലയില്‍ ഇന്ത്യയുടെ വളര്‍ച്ച ദ്രുതഗതിയിലാണെന്ന് പ്രധാനമന്ത്രി നരേന്ദ്രമോദി. ഏത് പ്രതിസന്ധിയേയും നേരിടാന്‍ ആരോഗ്യമേഖല സജ്ജമാണെന്നും പ്രധാനമന്ത്രി വ്യക്തമാക്കി. ഇന്ത്യ ഐഡിയ സമ്മിറ്റില്‍ പങ്കെടുത്തു സംസാരിക്കുകയായിരുന്നു അദ്ദേഹം.

ലോകത്തിന് മെച്ചപ്പെട്ട ഭാവി അനിവാര്യമാണെന്നും വികസന അജണ്ടകള്‍ പാവപ്പെട്ടവര്‍ക്കും, പാര്‍ശ്വവല്‍ക്കരിക്കപ്പെട്ടവര്‍ക്കും കൂടി വേണ്ടിയാകണം രൂപപ്പെടുത്തേണ്ടതെന്നും മോദി കൂട്ടിച്ചേര്‍ത്തു. രാജ്യത്ത് നേരിട്ടുള്ള വിദേശനിക്ഷേപം നാള്‍ക്കുനാള്‍ ഉയരുകയാണ്. ഇന്ത്യയില്‍ ആരോഗ്യ,കാര്‍ഷിക, ഊര്‍ജ്ജ മേഖലകളില്‍ നിക്ഷേപത്തിന് അനുയോജ്യമായ സമയമാണിതെന്നും അദ്ദേഹം വ്യക്തമാക്കി. കൊവിഡ് മഹാമാരിക്കിടയിലും 20 ബില്യണ്‍ ഡോളറിന്റെ വിദേശ നിക്ഷേപം ഉറപ്പിക്കാനായെന്നും പ്രധാനമന്ത്രി വ്യക്തമാക്കി.