ഇന്ത്യയില്‍ കോവിഡ് രോഗികളുടെ എണ്ണം 12 ലക്ഷം കടന്നു. ആകെ മരണം മുപ്പതിനായിരത്തോളമായി. മഹാരാഷ്ട്ര, തമിഴ്‌നാട്, ആന്ധ്ര, കര്‍ണാടക സംസ്ഥാനങ്ങളില്‍ ഇന്നലെ മാത്രം 27,264 പേര്‍ക്ക് രോഗം സ്ഥിരീകരിച്ചു.ഇന്നലെ മഹാരാഷ്ട്രയില്‍ 10,576 പേര്‍ക്കാണു രോഗം സ്ഥിരീകരിച്ചത്. ആദ്യമായാണ് ഒരു സംസ്ഥാനത്ത് ഒറ്റദിനം രോഗികളുടെ എണ്ണം 10,000 കടക്കുന്നത്. ഇന്നലെ മഹാരാഷ്ട്രയില്‍ 280 പേര്‍ മരിച്ചു. 5,552 പേരാണ് ഇന്നലെ രോഗമുക്തി നേടിയത്.
സംസ്ഥാനത്ത് ഇതിനോടകം 3,37,607 പേര്‍ക്കാണ് കോവിഡ് സ്ഥിരീകരിച്ചത്. ഇതില്‍ 1,87,769 പേര്‍ രോഗമുക്തി നേടി. ഇതുവരെ 12,556 പേരാണ് മരിച്ചത്.തമിഴ്നാട്ടില്‍ ഇന്നലെ 5,849 പേര്‍ക്ക് രോഗം സ്ഥിരീകരിക്കുകയും 74 പേര്‍ മരിക്കുകയും ചെയ്തു. ഇതിനോടകം 1,86,492 പേര്‍ക്കാണ് സംസ്ഥാനത്ത് ഇതുവരെ കോവിഡ് സ്ഥിരീകരിച്ചത്. ഇതില്‍ 51,765 എണ്ണം സജീവ കേസുകളാണ്. 1,31,583 പേര്‍ രോഗമുക്തി നേടി. 3,144 പേരാണ് ഇതിനോടകം മരിച്ചത്.ഡല്‍ഹിയില്‍ ഇന്നലെ 1,227 പേര്‍ക്കു കൂടി കോവിഡ് സ്ഥിരീകരിച്ചു. 1,532 പേര്‍ രോഗമുക്തി നേടി. 29 പേരാണ് ഇന്നലെമരിച്ചത്. ഇതിനോടകം ഡല്‍ഹിയില്‍ 1,26,323 പേര്‍ക്കാണ് രോഗം സ്ഥിരീകരിച്ചത്. 1,07,650 പേര്‍ രോഗമുക്തി നേടി. 3,719 പേരാണ് ഇതിനോടകം കോവിഡ് ബാധിച്ച് മരിച്ചത്.

പ്രതിദിന രോഗികളുടെ എണ്ണത്തില്‍ തമിഴ്‌നാടിനെ മറികടന്ന് ആന്ധ്രപ്രദേശ് രണ്ടാമതെത്തി. ആന്ധ്രയില്‍ ഇന്നലെ 6,045 പേര്‍ക്കാണു കോവിഡ് ബാധിച്ചത്. ഒറ്റദിനത്തിലെ ഏറ്റവും ഉയര്‍ന്ന കണക്കാണിത്.